Үндэсний их баяр наадмын урт амралын өдрүүд таарч буй учир долдугаар сард нийгмийн халамжийн тэтгэвэр, тэтгэмж, тусламжийг хоёр удаа олгохоор болсон.
Тодруулбал, долдугаар сарын 6 ба 20-нд хоёр удаа иргэдийн дансанд шилжүүлэг хийгдэнэ. Харин энэ хоёр өдөр чухам ямар тэтгэвэр, тэтгэмжийг олгох талаар иргэдийн ойлголт сул байна.
Иймд энэ асуудлаар ХНХЯ-ны Нийгмийн халамжийн бодлогын хэрэгжилтийг зохицуулах газрын дарга Б.Ундралаас тодрууллаа.
Ингэхэд,
Долдугаар сарын 6-нд,
- Асаргааны тэтгэмж
- Амьжиргааг дэмжих мөнгөн тэтгэмж
- "Эхийн алдар" одонгийн мөнгөн тусламж
- Нийгмийн халамжийн тэтгэвэр
- Хүүхдийн мөнгөн тэтгэмж шилжих аж.
Харин долдугаар сарын 20-нд Нийгмийн халамжийн сангаас сахүүждэг "Онцгой тохиодлын мөнгөн тэтгэмж", "Хүнс тэжээлийн дэмжлэг үзүүлэх үйлчилгээ", "Насны хишиг" зэрэг халамж, тэтгэмжүүдийг шилжүүлэх юм байна.
Мөн онцлоход, долдугаар сарын 6-нд хүүхдийн мөнгийг нөхөж олгоно.
Үүний дээр, шинээр төрөөд бүртгүүлсэн зарим хүүхдүүдийн данс зөрөх зэрэг шалтгаанаар алдаатай гүйлгээ хийгддэг байна. Энэ зөрүүтэй гүйлгээг засаж, тэдэнд долдугаар сарын 20-ны өдөр хүүхдийн мөнгийг нь олгох ажил мөн хийгдэх аж.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6нд бүх хүүхдийн мөнгө өгнө гэж ойлгож болох уу