Г.Мөнхцэцэг, Д.Дамба-Очир нар “хор найруулж” нэг тойрог БОСГОЛОО

Эрх баригч МАН нам хэдхэн сарын дараа болох 2020 оны сонгуулийн тоглоомын дүрмээ зохиоцгоогоод завгүй байна. Энэ долоо хоногт багтаж, аймаг, дүүргүүдэд хэдэн мандаттай байхыг хэлэлцэн батлах хуультай.

Тиймээс УИХ-д горилогчид өөрт ямар боломж бололцоо байгааг бүгдийг нь ашиглаж энд тэнд лобби хийж, хор найруулж яваа сураг бий.

МАН УИХ-ын сонгууль явуулах тойрог, мандатын тоог эхний байдлаар “аймгуудад 20 тойрог, 52 мандат, нийслэлийн хувьд есөн тойрог, 24 мандаттай байхаар” ярьсан юм.

Үүнээс нэг анхаарал татаж байгаа зүйл нь Дундговь, Говьсүмбэр аймгуудыг нэгтгэж нэг тойрог болгосон явдал. Гэвч энэхүү тойрог хуваарилалт нь маргаан дагуулж эхлээд байна.

Тодруулбал, Дорноговь, Говьсүмбэр аймгаас анх удаагаа УИХ-д сонгогдсон яруу найрагч Г.Мөнхцэцэг, Орхон аймгаас сонгогдсон УИХ-ын гишүүн Д.Дамба-Очиртой нийлж Говьсүмбэр, Дундговь аймгийг сонгуулийн нэг тойрог болгож, хоёр мандаттай болгохоор зүтгэсэн нь ийн биеллээ олжсон явдал болсон гэж харагдаж буй.

Эл хоёр аймгийг нэг тойрог болгосон шалтгаанаа УИХ-ын гишүүн Я.Содбаатар тайлбарлахдаа “Харин Дорноговь аймгийн хүн ам өнгөрсөн жилүүд 10 гаруй мянгаар өссөн учир Говьсүмбэртэй нэгтгэхээ болиод Дундговийн хүн ам цөөрч 46 мянгад хүрсэн учир Дундговийг Говьсүмбэртэй нэгтгэсэн” хэмээсэн байдаг.

Г.Мөнхцэцэг гишүүний хувьд, 2016 онд Говьсүмбэр болон Дорноговь аймгийн тойргоос УИХ-д сонгогдсон. Дуугарсан үг, хийсэн ажил, баталсан хуульгүй тэрээр энэ удаагийн сонгуульд Дорноговиосоо урваж ийнхүү Дундговийг Говьсүмбэртэй нийлүүлэн горилохоор зэхэж байгаа нь энэ аж.

Д.Дамба-Очирын хувьд ч Орхоноосоо зайлж Дундговь, Говьсүмбэрийн тойргоос горилох нь. Тэдний найруулсан хор ямартай ч нэг тойрог босгочихлоо, сонгогдох эсэх нь цаг хугацааны асуудал болж байна.

Өөрийн сэтгэгдлээ илэрхийл

Share Tweet