НИЙГЭМНийгэм мэдээ
Г.Болор-Эрдэнэ дэлхийн аваргын хагас шигшээд шалгарлаа

“Мүжү 2026” пара таеквондогийн дэлхийн аварга шалгаруулах тэмцээний эрэгтэйчүүдийн 63 кг-ын жинд өрсөлдөж буй Гавьяат тамирчин Ганбатын Болор-Эрдэнэ хагас шигшээд шалгарлаа.
Тэрбээр эхний тулаандаа Казахстаны тамирчныг хүч, техникийн давуугаар ялж, дараагийн даваанд Мароккогийн тамирчныг буулган авснаар хагас шигшээ шатанд шалгарсан байна.
Г.Болор-Эрдэнэ нь “Парис 2024” зуны Паралимпын наадмын мөнгөн медальт, дэлхийн таван удаагийн аварга, Азийн Пара наадмын хошой аварга юм.
Харин эрэгтэйчүүдийн 70 кг-ын жинд өрсөлдсөн ОУХМ Батбаярын Шинэбаяр эхний тулаандаа Израилын тамирчныг ялж, шилдэг 16-д шалгарсан ч Узбекистаны тамирчинд ялагджээ.
Б.Гэгээ













АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.