ДЭЛХИЙ

Мэргэжлийн сүмогийн ертөнц дэх анхны тамирчин “Covid-19” халдвараар нас барлаа

“Covid-19” вирусийн халдварын улмаас 28 настай сүмоч Шобучи өчигдөр /2020.05.13/ нас барсан байна. Тэрбээр тус вирусээр амиа алдаж буй анхны мэргэжлийн сүмо бөхийн тамирчин болжээ.

Шобучи нь Такадагава дэвжээний бөх бөгөөд санданмэ буюу дөрөвдүгээр зэрэглэлд барилддаг байсан гэнэ. CNN агентлагийн мэдээлж буйгаар тэр анх дөрөвдүгээр сарын 8-ны өдөр эмнэлэгт хэвтсэн байна. Харин 19-ний өдрөөс бие нь хурдацтай муудсан, зарим дотор эрхтэн нь ажиллагаагүй болсон.

Түүний харьяалагддаг Такадагава дэвжээнд “Covid-19” вирусээр нийт зургаан хүн өвчлөөд буйн дотор дэвжээний эзэн ч багтаж буй аж.

Япон улсад цар тахлын эрчим буурахгүй байгаа тул Сүмогийн холбоо энэ тавдугаар сарын тэмцээнээ цуцалж, долоодугаар сарын тэмцээнээ үзэгчгүй зохион байгуулахаар болоод буй билээ.

С.ЧИЧҮҮЛЭН

Эх сурвалж: CNN

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button