НИЙГЭМ
Терроризмтой тэмцэх зөвлөлийн ээлжит хуралдаан болно
Монгол Улсын терроризмтой тэмцэх зөвлөлийн ээлжит хуралдаанаар “Ковид-19” цар тахлын терроризмын нөхцөл байдалд үзүүлэх нөлөөллийн тухай хэлэлцэхээр төлөвлөжээ.
Мөн Саарал жагсаалт буюу Олон улсын санхүүгийн хориг арга хэмжээ авах байгууллагын хяналтын жагсаалтаас гарах ажлын хүрээнд хийж хэрэгжүүлсэн ажлын талаар хэлэлцэнэ гэж тагнуулын байгууллагаас мэдээлэв.
Терроризмтой тэмцэх зөвлөл нь Монгол Улсын хэмжээнд зэвсэг дэлгэрүүлэх болон терроризмтой тэмцэх үндэсний чадавхыг бэхжүүлэх, эрх зүй, зохион байгуулалтын тогтолцоог сайжруулах, төрийн байгууллагуудын үйл ажиллагааг уялдуулан зохицуулах, мэдээлэл солилцооны шуурхай байдлыг хангах замаар терроризм үл нутагших нөхцөлийг бүрдүүлэх чиг үүргийг хэрэгжүүлдэг байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.