ТӨҮГ-уудаас хамгийн их өртэй нь ТОСК
Монгол Улсын гадаад өр нийт 30 тэрбум ам.доллар даваад байгаа. Гэтэл Ерөнхий сайд У.Хүрэлсүх “30 тэрбум ам.доллар гадаад өрийн 18 тэрбум ам.доллар нь ААН, компаниудын өр. Энэ бол хэрээс хэтэрсэн тоо хэмжээ” гэхчлэн зандарсан. Гэтэл энэхүү 18 тэрбум ам.долларын 14 тэрбум ам.доллар нь Төрийн өмчит компаниудын өр юм. Тэгэхээр 30 тэрбум ам.долларын 26 тэрбум ам.доллар нь төрд хамааралтай буюу төрийн өр болж байгаа юм.
Төрийн өмчит компани 500 орчим байдгаас 300 гаруй нь алдагдалтай ажилладаг. Төрийн болон орон нутгийн өмчит компаниудын өр төлбөр 2019 оны эцсийн байдлаар 40.4 их наяд төгрөгт хүрсэн үзүүлэлттэй гарчээ. Үүнээс 29.9 тэрбум нь “Оюутолгой” компанийн өр. Үүнийг оролцуулахгүйгээр тооцвол төрийн болон орон нутгийн өмчит компаниудын өр 10.5 их наядад хүрсэн.
Бид төрийн болон орон нутгийн өмчит 90 гаруй компанийн 40.4 их наяд төгрөгийн өрийг инфографикаар задлан харуулсан билээ.
Үүнээс Төрийн өмчит үйлдвэрийн газруудаас хамгийн их өртэй нь ТОСК юм. Ашигтай гэхээсээ илүү байнга алдагдалтай шахуу ажиллаж ирсэн тус байгууллага 2019 онд ТӨҮГ-уудаас хамгийн их буюу 356 тэрбум төгрөгийн өртэй гарсан байдаг.
ТОСК-ийн араас ИНЕГ 23.7 тэрбум, Барилгын хөгжлийн төв 7.4 тэрбум төгрөгийн өртэй гарсан байна.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
татан буулгаач ээ
юУНЫХ НЬ ТАТАН БУУЛГАХ ВЭ? ХУВИЙН ХЭВШЛИЙН ААН-Г ТӨР АВНА ГЭЭД 3 ТОМ НУУЦААР УУЛЗААД БАЙНА ГЭЖ БИЧЭЭД БАЙНА АА