ТОДРУУЛГА: Завханд очсон иргэний хоёр дахь шинжилгээний хариу эерэг гарлаа
Завхан аймгийн Шилүүстэй сумд батлагдсан тохиолдлын нэгдүгээр хавьтал очсон тул тус сумаас орох, хөдөлгөөнийг хязгаарлаад буй. Мөн тус суманд сургууль, цэцэрлэгийн үйл ажиллагааг нээхийг гуравдугаар сарын 8 хүртэл хойшлуулсан.
Бид тус сумын Тамгын газрын дарга Г.Ганболдтой холбогдож үүсээд буй нөхцөл байдлын талаар тодрууллаа.
-Тухайн иргэний түргэвчилсэн шинжилгээний хариу сөрөг гарсан байсан. PCR шинжилгээний хариу гарсан уу?
-PCR шинжилгээ хийлгэхээр сорьцыг өнөөдөр хот руу явуулна. Хоёр дахь түргэвчилсэн шинжилгээний хариу эерэг гарсан.
Тухайн иргэн нь хоёрдугаар сарын 26-нд батлагдсан тохиолдлын ойрын хавьтал юм билээ. Халдвартай иргэний гэрт нь очсон гэсэн мэдээлэл байна.
-Тухайн иргэнтэй ойрын хавьтал болсон хэчнээн иргэнийг тусгаарлаад байгаа вэ?
-Ойрын хавьтал найман иргэнийг гэрт тусгаарласан.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.