Нийгмийн

Алба хаагчид галын аюулаас 19 иргэнийг гаргаж, амийг нь аварчээ

Утаажилтын бүсээс ГТУА 63 дугаар ангийн алба хаагчид өчигдөр 19 иргэнийг гаргаж, амь насыг авран хамгаалжээ.

Тодруулбал, Баянзүрх дүүргийн 19 дүгээр хороо 2 дугаар байрны дөрвөн давхарт өнөөдөр өглөө 08:54 минутад гал гарч байна гэсэн дуудлагыг онцгой байдлын газар хүлээн авчээ.

Дуудлагын дагуу Баянзүрх дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид очиход тус байрны нэг орц бүхэлдээ утаажилтанд автан, гал гарч байжээ.

ГТУА 63 дугаар ангийн алба хаагчид шуурхай ажиллан утаажилтын бүсээс 19 иргэнийг гаргаж, амь насыг авран хамгаалж чадсан байна.

Гал түймрийн аюулаас аварсан иргэд дунд 5 сараас 13 насны хүүхдүүд, 60 настай хөгжлийн бэрхшээлтэй иргэд байсан аж. 

Эх сурвалж: Баянзүрх дүүргийн онцгой комисс

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button