Сүхбаатар аймгийн Мөнххаан сумд түр хөл хорио тогтоожээ.
Тодруулбал, УБ хотоос гуравдугаар сарын 4-ны өдөр Сүхбаатар аймагт автобусаар очсон таван иргэний нэг нь Мөнххаан сумд буусан бөгөөд тэрбээр батлагдсан тохиолдлын ойрын хавьтал байжээ.
Аймгийн шуурхай штаб цахимаар хуралдаж, тус сумаас гарах хөдөлгөөнийг хязгаарлаж, театрын тоглолтыг цуцласан байна. Аймгийн төв дээр буусан гурван иргэн болон Мөнххаан сумд буусан нэг иргэний ойрын хавьталуудыг тогтоож, PCR шинжилгээний сорьцыг Дорнод аймаг руу явуулжээ. Шинжилгээний хариу гарах хүртэл сумын ЕБС, цэцэрлэгийг түр хаасан байна.
