Б.Пүрэвдорж: Ж.Эрдэнэбат хэргээ шийдүүлчхээд тангарагаа өргө
УИХ-ын чуулганы хуралдаан үргэлжилж байна. Одоо Төрийн байгуулалтын байнгын хорооны даргаар УИХ-ын гишүн Ж.Мөнхбатыг томилох асуудлыг хэлэлцэж байна.
Энэ үеэр УИХ-ын гишүүн Б.Пүрэвдорж: Өнөөдөр би хэлэлцэх асуудлын дараалалтай холбоотой үг хэлэх гэсэн боловч хэлүүлсэнгүй. Дэндүү их хүч түрж байна. Энэ танхимд янз янзын дэг зөрчсөн зүйл гардаг шүү. Хатуу байвал хатуу байна гэдгээ хариуцлагатай хэлье.Та нар дандаа МАН-ын пост коммент уншдаг юм шиг байна. Ард түмэн Ж.Эрдэнэбатыг тангараг өргүүлэх асуудалд дургүй байна. Энэ хүнээ шалгуулж дуусгаад тангарагийг нь өргүүл л дээ. УИХ-ын гишүүн болчхоод энэ хэргээ шалгуулахгүй явах юм байна л даа. Шүүх танай талд гарчихсан учраас хэргийг нь маш хурдан дуусгачих байлгүй дээ. Шүүхээс АН-ын асуудлыг яаж шийдэж байгааг хар л даа.Шүүх яасан хурдан шинэ эзэндээ үйлчилж байна аа. Манай АН-ын бүлэг хатуу байр суурьтай байна. Завсарлага авах хэрэгтэй. Хойшлуулах хэрэгтэй. Ингэж болохгүй. Асуудлаа шийдчихээд хүрээд ир. Намайг их дэг зөрчсөн гэдгээр их дээрэлхдэг.
УИХ-ын дарга Г.Занданшатар: Ж.Эрдэнэбатыг тангараг өргүүлэх асуудал бол чуулганы хэлэлцэх асуудлын дараалалд байхгүй. Үндсэн хуулийн хүрээнд мандатаа аваад ард түмнээс сонгогдсон бол чуулганы дэгээрээ тангараг өргөх ёстой.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.