Булган аймгийн Орхон сумын Бүхт багийн “Сүүдэр царам” гэдэг газар /аймгийн төвөөс баруун хойд зүгт 45 км-т, сумын төвөөс хойд зүгт 45 км-т/ Тус сумын харьяат иргэн Е нь 03.31-ний өдрийн 15:00 цагийн орчим хээр эвдэрсэн автомашинаа авч ирнэ гэж гэрээсээ явганаар гараад сураггүй болсон тухай дуудлагыг 04.04-ний өдрийн 07:30 цагт хүлээн авсан.
Тус аймгийн Онцгой байдлын газрын Эрэн хайх, аврах салбар, Цагдаагийн газрын алба хаагчид, ар гэрийнхэн эрэн хайх ажиллагааг зохион байгуулж, иргэн Е/79 настай, эрэгтэй/-ийг 04.06-ны өдрийн 08:35 цагт “Сээрийн бригад” гэдэг газар малчин Б /гэрээс нь баруун урд зүгт 20 км-т/-ийнд эсэн мэнд ирснийг ар гарийнхэнд хүлээлгэн өгсөн.
Эх сурвалж: Онцгой байдлын ерөнхий газар
