ДЭЛХИЙ

ОХУ: АНУ-ын 10 дипломатчийг нутгаасаа гаргахаар боллоо

ОХУ өчигдөр буюу дөрөвдүгээр сарын 16-нд АНУ-ын 10 дипломатчийг нь нутгаасаа гаргах болж, тэдэнд хүсэлт хүргүүлжээ.

Мөн АНУ-ын элчин сайдыг нутагтаа очин зөвлөлдөхийг санал болгосон аж. Өчигдөр Жо Байдены захиргаа Оросын арван дипломатчийг нь улсаасаа гаргасан. Мөн ОХУ-д шинээр хориг тавьж Орос улсын 32 иргэн, цахим аюулгүй байдлын зургаан компанид хориг тавьсан. Түүнчлэн АНУ-ын санхүүгийн байгууллагуудыг Оросын төв банкнаас шинээр гаргасан рублийн бондыг худалдаж авахыг хориглосон.

Үүний эсрэг ОХУ арга хэмжээ авч, АНУ-ын 10 өндөр албан тушаалтныг Орос улс руу нэвтрэхийг хориглолоо. Тэдний дунд Холбооны мөрдөх товчооны захирал Кристофер Рэй, Үндэсний тагнуулын газрын захирал Аврил Хайнс, АНУ-ын Ерөнхий прокурор Меррик Гарланд тэргүүтэй хүмүүс багтсан байна.

Эх сурвалж: Reuters

Б.БУЯНДОРЖ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

4 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button