Шадар сайд С.Амарсайхан өнөөдөр БНХАУ-аас Монгол Улсад суугааОнц бөгөөд Бүрэн эрхт Элчин сайд Чай Вэньруйг хүлээн авч уулзлаа.
Хилийн боомтуудад гацсан ачаа тээврийн эргэлтийг нэмэгдүүлэх чиглэлээр Шадар сайд удаа дараа хүсэлт тавьж ажилласны дагуу Эрээний хилийн боомтоор орж ирэх ачаа тээврийг төмөр замаар тээвэрлэхээр талууд тохиролцсон талаар Элчин сайд мэдэгдлээ.
Цар тахлаас үүдэж дэлхийн олон улсад төдийгүй БНХАУ-д дотооддоо ачаа тээврийн эргэлт удаашралтай байгааг тэрээр дурдаад, хөрш орнуудын ачаа тээврийг эрчимжүүлэхээр онцгой анхаарч ажиллаж буйгаа хэллээ.
Талууд Монгол Хятадын худалдаа, эдийн засгийн хамтын ажиллагааг цар тахлын нөхцөлд аль болох хэвийн үргэлжүүлэх чиглэлээр хоёр талаас авч хэрэгжүүлж буй арга хэмжээг идэвхжүүлэх талаар хэлэлцэв. Ялангуяа хилийн боомтуудаар нэвтрүүлэх машины тоог нэмж, БНХАУ-ын Тяньжин боомтод гацсан чингэлгүүдийг шуурхай тээвэрлэх хэлэлцээг эрчимжүүлж байгаад Шадар сайд талархал илэрхийлэв.
Тэрээр “Чөлөөт бүс”-ийн үйл ажиллагааг энэ оны гуравдугаар удиралд эхлүүлэхээр бэлтгэж буйг онцлон, хил орчмын худалдаа хамтын ажиллагааг өргөжүүлэх хэлэлцээг яаралтай эхлүүлэхээр ажиллаж байгааг дурдлаа.
Боомтын үйл ажиллагааг хэвийн горимд оруулах хүртэл байнгын ажиллагаатай Гадаад харилцааны яамны Төрийн нарийн бичгийн дарга Н.Анхбаяраар ахлуулсан Ажлын хэсэг Замын-Үүдэд ажиллаж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Төмөр замаар ачаа авдаг хашаагаараа дүүрэн халтуурчдын машин зогсоол сэлгэлт таг болдог. Ачаагаа авах хүн машинаа оруулах зайгүй...дотор талбайг эзэлсэн халтуурчдийн хэлсэн хадсан үнээр ачуулахаас өөр боломжгүй байдагсан. Энэ нь вагон-тээврээс татгалзах шалтгаан шүү !!
Замын үүдийн гаалийн Балай Болормаа гэдэг эмээг одоо зайлуулах болсон. Нөхөр нь төмөр замын боомьтын дарга мэндсайхан гэгчтэй нийлэн коронагаар дамжуулан хахууль авч ард түмний амьдралыг дунд шатандаа самарч байга нөхдийг шалгадаг мэддэг газар бна уу