ХУУЛЬ

ОСОЛ: Энэ долоо хоногт найман хүн амиа алдсаны дөрөв нь хүүхэд байна

2021 оны зургаадугаар сарын 07, 08, 09, 10-ны өдрүүдэд Тээврийн цагдаагийн албаны Жижүүрийн шуурхай удирдлагын хэлтэс нийт 1026 дуудлага мэдээлэл хүлээн авснаас зам тээврийн ослын шинжтэй 681 дуудлага мэдээлэл бүртгэгдсэн.

Бүртгэгдсэн зам тээврийн ослын улмаас Нийслэлд 23, Орон нутагт  6 хүн гэмтэж, Зам тээврийн ослын улмаас нийслэлд нэг, орон нутагт найман хүний амь хохирсны дөрөв нь хүүхэд байна.

                              Хүн гэмтсэн ослыг хэлбэрээр нь авч үзвэл:

 Нийслэлд:

  • Явган зорчигч автомашинд мөргүүлэх хэлбэрээр-9
  • Автомашин унадаг дугуйтай хүүхэд мөргөсөн-1
  • Автомашин мотоциклтой мөргөлдсөн-1
  • Хоёр автомашин мөргөлдөх хэлбэрээр жолооч-8,
  • Үл хөдлөх зүйл мөргөх хэлбэрээр-2 тус тус бүртгэгдсэн.

Орон нутагт:

  • Явган зорчигч автомашинд мөргүүлэх хэлбэрээр-2
  • Автомашин мөргөлдөх хэлбэрээр -2 тус тус гэмтсэн.

Хүний амь хохирсон осол:

            2021.06.07-ны өдрийн 12:00 цагийн орчимд Өвөрхангай аймагт, суудлын автомашин онхолдож, жолоочийн амь хохирсон.

2021.06.07-ны өдрийн 20.00 цагийн орчимд Баян-Өлгий аймагт, ачааны автомашин явган зорчигч мөргөж, 9 настай хүүхдийн амь хохирсон.

2021.06.10-ны 00.00 цагийн орчимд Налайх дүүрэгт, суудлын автомашин онхолдож, зорчигч гэмтэж, жолоочийн амь хохирсон.

2021.06.08-ны өдрийн 10.00 цагийн орчимд Өмнө-Говь аймагт, том оврын механизм явган зорчигч мөргөж, 13 настай хүүхдийн амь хохирсон.

2021.06.08-ны өдрийн 22.00 цагийн орчимд Төв аймагт, улсын дугааргүй мотоцикл онхолдож, жолоочийн амь хохирсон.

2021.06.09-ний өдрийн 20.10 цагийн орчимд Дорноговь аймагт, суудлын автомашины  жолооч  явган зорчигч мөргөж, 1 ой 9 сартай хүүхдийн амь хохирсон.

2021.06.10-ны өдөр 07.00 цагийн орчимд Завхан аймагт, суудлын автомашин онхолдож, 2 хүний амь хохирсон.

2021.06.10-ны өдрийн 17.00 цагийн орчимд Төв аймагт, суудлын автомашин өнхөрч, 5 настай хүүхдийн амь хохирсон.

Мөн гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон Нийслэлд 90, Орон нутагт 49, Улсын хэмжээнд 139 зөрчлийг тус тус илрүүлж, учирч болох эрсдэлээс урьдчилан сэргийлэн ажилласан.

Жолооч ТА бүхэн согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх,  явган зорчигчид зам тавьж өгч байх,  явган зорчигч та бүхэн гарц, гарамтай хэсгээр зам гарах, бага насны хүүхдийг харгалзах хүнгүй замын хөдөлгөөнд оролцуулахгүй байх, автомашинд тээвэрлэж явахдаа зориулалтын хамгаалалтын суудалд суулгаж тээвэрлэх, мотоциклтой замын хөдөлгөөнд оролцохдоо хамгаалах малгай хэрэглэх, хурд хэтрүүлэх байхыг ЦАГДААГИЙН БАЙГУУЛЛАГААС АНХААРУУЛЖ БАЙНА.

ТЭЭВРИЙН ЦАГДААГИЙН АЛБА

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button