НИЙГЭМ
ТББХ: У.Хүрэлсүхийн тангараг өргөх товыг тогтоох тогтоолын төслийг баталлаа
СЕХ-ноос Ерөнхийлөгчийн сонгуулийг баталгаажуулж, УИХ-д хүргүүлээд байна. Улмаар шинэ Ерөнхийлөгч У.Хүрэлсүхийн тангараг өргөх товыг тогтоохоор Төрийн байгуулалтын байнгын хороо болон Улсын их хурал хуралдахаар товлосон.
Яг одоо шинэ Ерөнхийлөгчийн тангараг өргөх товыг 2021 оны зургадугаар сарын 25-ны 11.40 цагт товлох тухай асуудлаар Төрийн байгуулалтын байнгын хороо хуралдаж эхэллээ.
Гишүүд асуулт асууж, хариулт авч дууслаа.
Дээрх саналын томъёоллоор санал хураалт явуулахад Байнгын хорооны гишүүдийн олонх дэмжлээ. Үүгээр Ерөнхийлөгчийн тангараг өргөх товыг энэ сарын 25-наар тогтоох ТББХ-ны тогтоолын төсөл батлагдлаа.
Одоо 14.00 цагаас УИХ хуралдаж, уг тогтоолын төслийг хэлэлцэнэ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.