А.Баатар: Алтай таван богдын “Сүүн” голын шавартай усыг уух нь биед хортой

Баян-Өлгий аймгийн Цагаан нэртэй голыг хүмүүс Сүүн гол хэмээн тахиж шүтэх явдал ихээр гарах болжээ. Тиймээс уг голыг ямар учраас цайвар өнгөөр урсдаг болох талаар геологич А.Баатараас тодруулбал

“Мөстлөг ихтэй газар цагаан өнгийн гол байдаг. Энэ нь манай улсын хувьд Ховд, Алтай таван богдоор бий. Мөс олон мянган жилээр хайлж амжихгүй хуримтлагдахаар цайвар өнгийн болоод тогтчихдог. Мөс нь хүндийн хүчний нөлөөгөөр хүнд мэдэгдэхгүй ч урсаж байдаг. Тэр явцдаа ёроолын чулуулгийг нунтаглаж гурил тийрэндэх шиг явц болдог. Тэр нь булингар юм.

Доор нь цагаан элс байдаг гэж зарим хүмүүс ярьдаг, цагаан элс огт биш. Мөстлөгөөс үүдэлтэй бол цагаан өнгөтэй байдаг юм шүү. Гэтэл манайхан мөнгөн аяганд хийгээд сүү гээд уугаад байна. Их хэмжээний нунтаг тийрэндүүлсэн шавар маягийн урсгал шүү дээ. Шавар ихтэй учраас тийм усыг уудаггүй. Биед маш муу” гэлээ.

Энэ мэдээнд өгөх таны үнэлгээ

Хуваалцаарай Жиргээрэй