Боловсролын салбар 2022 оныг "Ёс зүйн жил” болгон зарласантай холбогдуулан сайдад и-мэйл илгээх аяныг эхлүүлжээ.
- Ерөнхий боловсролын сургуулийн сурагчид
- Мэргэжлийн сургалт үйлдвэрлэлийн төв, политехник коллежид суралцагчид
- Их, дээд сургуулийн оюутнууд
- Бүх шатны боловсролын байгууллагын багш, ажилтан
- Эцэг эх, асран хамгаалагчид сайд руу и-мэйл бичих боломжтой аж.
Захидлыг [email protected] и-мэйл хаягаар өнөөдрөөс эхлэн 14 хоногийн турш хүлээн авна. Цахим хаяг хоёрдугаар сарын 14-ний өдөр хаагдах юм байна.
Сургуулийн орчин дахь үе тэнгийнхний дээрэлхэлт, ялгаварлан гадуурхалт, багш, суралцагч, эцэг эхчүүдийн хоорондын үл ойлголцол, харилцааны бэрхшээл, суралцах орчны аюулгүй байдал, ёс зүйн зөрчлийг арилгасан сайн туршлага, шинэ санаачилга зэрэг сэдвээр санал бодлоо ирүүлэх боломжтой. Захидал илгээгчийн нууцыг чандлан сахина хэмээн тус яамнаас мэдэгдлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.