Дундговь аймгийн Мандалговь суманд иргэн 52 настай, эрэгтэй Д энэ сарын 5-д автомашинтай онхолдож хүнд гэмтсэн байна. Хүндээр гэмтэж, ухаан алдсан тухайн иргэнийг автомашинаар тээвэрлэх боломжгүй тул нисдэг тэргээр эмнэлгийн байгууллагад хүргэх хүсэлтийг ар гэрээс нь гаргажээ.
Улмаар Онцгой байдлын ерөнхий газрын даргын шийдвэрээр Агаараас эрэн хайх, аврах 111 дүгээр ангийн “ЕС-145” загварын нисдэг тэрэг, нисгэгч 2, аврах ажиллагааны мэргэжилтэн 1, нийт 3 хүний бүрэлдэхүүнтэй баг өчигдөр 16:17 цагт Улаанбаатар хотоос хөөрч, 17:11 цагт газардаж, 17:45 цагт Мандалговь сумаас хөөрч, Улаанбаатар хотод 18:58 цагт тээвэрлэн ирсэн байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.