НИЙСЛЭЛ

Хотын дарга Үндсэн хуулийн цэцэд хүндэтгэл үзүүллээ

Монгол Улсын Үндсэн хуулийн цэцийн 30 жилийн ой энэ жил тохиож буй. Ойн хүрээнд Нийслэлийн Засаг дарга бөгөөд Улаанбаатар хотын Захирагч Д.Сумьяабазар өнөөдөр Үндсэн хуулийн цэцэд хүндэтгэл үзүүллээ.

Мөн энэ үеэр нийслэлийн бүтээн байгуулалт, иргэдийн эрүүл, аюулгүй орчинд амьдрах нөхцөлийг бүрдүүлэх үйлсэд онцгой хувь нэмэр оруулсан Монгол Улсын Үндсэн хуулийн цэцийн гишүүн Ш.Солонгод Нийслэлийн дээд шагнал Хангарди одон гардуулав.

Нийслэлийн Засаг дарга бөгөөд Улаанбаатар хотын Захирагч Д.Сумьяабазар “Монгол Улсын Үндсэн хуулийн цэц бол Үндсэн хуулийн биелэлтэд хяналт тавих дээд байгууллага. Тийм учраас тус байгууллагын 30 жилийн ойг тохиолдуулан хүндэтгэл үзүүлэх нь зүй ёсны хэрэг. Монгол Улсад парламентын ёс хэвшиж, ардчилал, хүний эрх, эрх чөлөөг дээдэлсэн Үндсэн хуулийг батлаад 30 жил болж байна. Улаанбаатар хотод хүн амын тал хувь нь амьдарч, эдийн засгийн 70 орчим хувь төвлөрсөн, нийгэм, эдийн засгийн төв болж буй. Иймд Үндсэн хуулийн нэмэлт өөрчлөлтийн тухай ярьж байгаа энэ цаг үед Улаанбаатар хотын хөгжлийн цар хүрээг тэлж, нийслэлийн эрх зүйн чадамжийг нэмэгдүүлэх зайлшгүй шаардлагатай” хэмээсэн юм.

Энэ жил мөн шинэ Үндсэн хууль батлагдсаны 30 жилийн ой тохиож буй.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x