Ерөнхийлөгч, УИХ-ын дарга нар ШИЛЭН ДАНС “ХӨТЛӨХГҮЙ” байгаа нь хууль зөрчиж байна

Шилэн дансны тухай хууль 2014 оны долоодугаар сарын 01-ний өдөр батлагдсан байдаг. Тэгвэл энэ хуулийн хэрэгжилт дээд шатнаасаа авхуулаад дунд, доод шатанд хүртлээ алдагдаж байна.

Жишээ нь, Монгол Улсын Ерөнхийлөгчийн тамгын газар л гэхэд 2022 онд нэг ч удаа шилэн дансанд худалдан авсан бараа материал, урсгал зардлаа оруулаагүй байна. Ерөнхийлөгчийн тамгын газрын төсвийн ерөнхийлөн захирагчаар Я.Содбаатар ажилладаг.

Удаах нь Монгол Улсын Их Хурлын дарга Г.Занданшатар. Шилэн дансанд оруулсан мэдээллээс харахад 2022 оны гурван ганц л удаа хар цагаан дижитал хэвлэх машиныг 99 саяар авсан гэсэн мэдээллээ байршуулснаас бусдаар ямар ч мэдээлэл оруулаагүй байна. Тус газрын төсвийн ерөнхийлөн захирагчаар Л.Өлзийсайхан ажилладаг юм байна.

Энэ мэтчилэн “хамуу халдварладаг”-ийн адилаар дараа дараагийн шатны албан тушаалтнууд, агентлагууд шилэн дансаа хөтлөхөө болиход хүрч байна.

ТЭГВЭЛ ЕТГ, УИХ-ЫН ДАРГА Г.ЗАНДАНШАТАР ШИЛЭН ДАНСНЫ ТУХАЙ ХУУЛИЙН ЯМАР ЗҮЙЛ ЗААЛТЫГ ЗӨРЧИЖ БАЙНА ВЭ

• 3 дугаар зүйл.Хуулийн үйлчлэх хүрээ

3.4. Төрийн нууцад хамаарахаас бусад төсвийн төлөвлөлт, гүйцэтгэл, хэрэгжилт, тайлагналыг байгууллагын нууцад хамааруулан нийтэд мэдээлэхээс зайлсхийхийг хориглоно.

• 4 дүгээр зүйл.Шилэн дансны зарчим

4.1.3. Тогтоосон хугацаанд, тогтмол, шуурхай мэдээлдэг байх; гэсэн зүйл заалтыг биелүүлэхгүй байна.

Энэ мэдээнд өгөх таны үнэлгээ

Хуваалцаарай Жиргээрэй