Завхан аймгийн төвийн Жавхлант цогцолбор сургуулийн 640 хүүхдийн багтаамжтай өргөтгөлийн барилга хөрсний дулаанаар халаалтаа шийджээ.
Сургуулийн барилгад 110 кВт хүчин чадал бүхий хөрсний дулааны насос, 25 кВт-ын нарны дулааны коллектороор дэмжсэн системийг бүрэн суурилуулж, улсын комисс хүлээн авсан байна.
Хоорондоо 18 м-ийн зайтай, 100 м-ийн гүнтэй сорох болон шингээх хоёр ширхэг босоо цооногийг өрөмджээ. Мөн барилгын дээвэр дээр дулааны насосыг дэмжиж ажиллах SC-H24-30 загварын 25 кВт-ын хүчин чадалтай нарны илч хураагууруудыг суурилуулсан аж.
Техникийн өрөөнд, ОХУ-ын БРОСК-МАРК II 55.4 кВт-ын ус-ус төрлийн хоёр ширхэг дулааны насосыг байрлуулж, суурилуулалт, дулааны сүлжээний шугам хоолойн угсралтуудыг гүйцэтгэжээ.
Энэ системээр Жавхлант цогцолбор сургуулийн өнгөрсөн жил ашиглалтад шинээр орсон өргөтгөлийн барилгын 76 хувийг газрын гүний дулаанаар хангах боломжтой болж буй.
Хөрсний дулааны насос, нарны дулааны коллектортой хосолсон систем нь ашиглалтад орсноор, жилд 700-800 МВтц дулааны хэрэглээг хангах юм.
Ингэснээр жилд 490 тн нүүрсний хэрэглээ, 686 тн СО2 ялгарлыг бууруулах байгаль орчинд ээлтэй, эрчим хүчний хэмнэлттэй жишиг төсөл болжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ailiin heregtceend ene shiidel baidag bolovuu
Ямар мундаг юм вэ баяр хүргье
686 кг со2 байлгүй дээ. Браво!