Улаанбаатар хотод дулааны төв шугамын засварын ажил үргэлжилж байна. Ирэх Даваа гарагаас эхлэн дараах байршлуудад дулааны шугамын шинэчлэл, засварын ажил хийгдэхийг "УБДС" ТӨХК мэдэгдлээ.
2023 оны зургаадугаар сарын 12-26-нд 14 хоногийн хугацаанд:
- Барс-2 захаас Хархорин зах хүртэл 1 болон 10 дугаар хорооллын авто замын урд хэсэг
- Түндэмүн саун
- Гурван билэг их дэлгүүрийн урд тал орчим
- Хуучин тээврийн товчоо
- 5 дугаар хороолол
- Хотын төв 40, 50 мянгат
- Баруун дөрвөн зам орчим
- Хонхорын 7 дугаар байр орчмын хэрэглэгчийн халуун усыг хязгаарлаж, засвар хийх юм байна.
Барс-2 захаас Хархорин зах хүртэл 1 болон 10 дугаар хорооллын авто замын урд хэсэг гэдэгт ямар хороолол, хотхон хамаарахыг "УБДС" ТӨХК-аас тодруулахад "Замын урд хэсэг буюу Баянгол дүүргийн "Барс-2" захаас Саппорогийн уулзвар хүртэл "Эрин" хороолол, 10 дугаар хорооллын "Голден парк" 1, 2 хотхон, "Гермес" худалдааны төвийн хажуугийн Материал импексийн орон сууц, Төмөр замын эмнэлэг орчимд зогсолт хийгдэнэ.
Дулааны шугамын засварыг шөнийн бригад гарч хийж байгаа болохоор хэрэглэгчдийн халуун усыг төлөвлөсөн хугацаанаасаа өмнө холбож байгаа"-г хэллээ.
Зургаадугаар сарын 12-ноос дулааны шугамын засвар хийх байршлуудыг ЭНД дарж газрын зургаас харах боломжтой.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.