Монголын мисс Б.Баттогтох Боливудын алдарт кино найруулагч Рааж Риххигийн “Vibrant Ladakh” баримтат кинонд тоглож байгаа аж. Тус баримтат кинонд дэлхийн 26 мисс бүсгүйчүүдийг урьсан байна.
Энэхүү кино нь "Netflix", "Amazon" гэх мэт сайтуудаар цацагдах ба дэлхийн томоохон кино фестивалиудад оролцох гэнэ.
Тус киноны зураг авалтын үеэр мисс бүсгүйчүүд Гималайн нуруун дээр буюу дэлхийн хамгийн өндөрт байрлах зам дээр болох загварын шоунд оролцоно. Ингэхдээ Энэтхэгийн загвар зохион бүтээгчдийн байгальд хор нөлөөгүй материалаар хийж бүтээсэн загваруудыг өмсөж алхах юм байна.
Ингэснээрээ дэлхийн хамгийн өндөр цэгт зохион байгуулсан загварын шоу гэдгээр Гиннесийн номд бичигдэх магадлалтай байгаа аж.
Мисс Б.Баттогтох өмнө нь “Miss grand international”, “Мiss supranational”, “Miss model of the world” гэх мэт тэмцээнүүдэд эх орноо төлөөлж, амжилттай оролцсон. 2020 онд "Эх дэлхийн мисс" тэмцээнд Монгол Улсаа төлөөлөн оролцож байжээ. Мөн Англи, хятад, итали хэлтэй. Биеийн өндөр нь 178 см аж.
О.ОНОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ямар юмныхан мисс байхав дээ кинонд тоглолоо гээд юу хэрэгтэй зүйл юу хийж бүтээх юм
Galtaruud baahan goshnogdoj bgaa ????