Ханжоу-2022 Азийн зуны спортын IV пара наадам долоо дахь өдрөө үргэлжилж байна. Тус наадмын хөнгөн атлетикийн зээрэнцэг шидэлтийн эмэгтэйчүүдийн F-40, 41 ангилалд манай улсын тамирчин Д.Саруултөгс мөнгөн медаль хүртлээ.
Д.Саруултөгсийн хувьд 2019 оны Азийн дээд амжилтыг эзэмшигч бөгөөд 20.79 метр шидэлт хийснээр мөнгөн медаль хүртсэн юм. Ингэснээр “Ханжоу-2022” Азийн наадмаас Монголын багийн найм дахь медаль, гурав дахь мөнгөн медалийг хүртэж байна.
Тэрбээр медаль хүртсэнийхээ дараа "Энэ медалиа тэнгэрт байгаа аавдаа зориулж байна. Аав минь бурхан болоод нэг сар болж байгаа юм. Ханжоуд аавынхаа нэрийг дуудуулахыг хүссэн, зорилго минь биеллээ" хэмээн хэлжээ.
Ийнхүү манай улс Ханжоу-2022 Азийн наадмын долоо дахь өдрийн байдлаар хоёр алт, гурван мөнгө, гурван хүрэл медаль хүртээд байгаа юм. Ингэснээр 44 орноос 20 дугаар байрт жагсаж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.