Хуваарь ёсоор долоо хоног бүрийн пүрэв, баасан гарагуудад УИХ-ын чуулганы нэгдсэн хуралдаан болдог билээ. Гэвч УИХ-ын гишүүд сонгогдсон тойргууддаа өнгөрсөн дөрвөн жилийн тайлангаа тавьж яваагаас ирц хүрэхгүй байгаа юм. Тиймээс энэ долоо хоногт УИХ-ын чуулганы хуралдааныг товлоогүй.
Харин өнөөдөр /2024.05.10/ хоёр ажлын хэсэг л хуралдаж, нэг нэг хуулийн төсөл хэлэлцэх чигтэй байна.
Төрийн байгуулалтын байнгын хороо: Хот, тосгоны эрх зүйн байдлын тухай хуулийн шинэчилсэн найруулгын төсөл, Шинэ Зуунмод хотын эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын дэд хэсгийн хуралдаан 10.00 цагт "Их засаг" танхимд болно.
Нийгмийн бодлогын байнгын хороо: Ахмад настны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан 10.00 цагт 334 тоотод болно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.