НЭГ. “Төрийн сүлд өршөө” ...
2019.01.29-нд УИХ-ын дарга М.Энхболдыг үүрэгт ажлаас нь чөлөөлөв. Санал хураалтад 65 гишүүн оролцож, 43 гишүүн буюу 66.2 хувийн саналаар УИХ-ын дарга М.Энхболдыг огцрууллаа.
ХОЁР: “ Эрдэнэт ” ингээд зогсох уу...
"Эрдэнэт" үйлдвэрт 6 сарын хугацаатай онцгой дэглэм тогтоож, ЗГХЭГ-ын дарга Л.Оюун-эрдэнэ Орхон аймагт очиж тус үйлдвэрийг лацдав.
ГУРАВ: “Чухал яриа”
Халх голын дайнд ялсны 80 жилийн ойг тохиолдуулан, ОХУ-ын Ерөнхийлөгч В.Путин манай улсад дөрөв дэх удаагаа айлчиллаа.
ДӨРӨВ: Үндсэн хууль өөрчилсөн төрийн “өндөрлөгүүд”
10 гаруй жил, 3-4 Парламент дамжин яригдсан Үндсэн хуулийн нэмэлт, өөрчлөлтийг 7 дахь удаагийн Парламент буюу МАН-ын олонх байхдаа баталж, АН-ын Ерөнхийлөгч ёсчиллоо.
ТАВ: Чингисийн одонтой анхны хөвгүүд “ The Hu’’
Улс орныхоо нэр хүндийг дэлхий дахинаа сурталчилан таниулж, дэлхийн хөгжмийн ертөнцөд орон зайгаа бий болгосон The Hu хамтлаг Чингисийн одонг хүртлээ.
ЗУРГАА: Налайхын шинэ зам
1959 онд баригдсан Налайхын замыг 2019 онд шинэчиллээ.
ДОЛОО: Утаанбаатар биш Улаанбаатар
Улаанбаатар хотын айл өрхүүд 2019 оны өвлөөс эхлэн түүхий нүүрс биш шахмал түлш хэрэглэж эхлэв. Үүний үр дүнд Улаанбаатарын утаа буурч өвөлдөө уулан дээрээс харагддаг боллоо.
НАЙМ: Хятадуудыг хил буцаав
Монгол Улсад цахим болон мөнгө угаах гэмт хэрэг үйлдэх зорилгоор жуулчны визтэйгээр нэвтэрсэн БНХАУ-ын 800 орчим иргэнийг нутаг буцаалаа.
ЕС: Байгалийн түүхийн музейн “балгас”
Байгалийн түүхийн музейг нурааж оронд нь Чингис хааны музейг барих шийдвэрийг Засгийн газар гаргасны дагууу Байгалийн түүхийн музейг нураалаа.
АРАВ: Д.Эрдэнэбилэг ил болов
Улаанбаатар хотын банкны ТУЗ-ийн дарга "Сахал" хэмээх хочит Д.Эрдэнэбилэг нэг сар орчим ШШГЕГ-ийн харьяа 461-р цагдан хорих ангид 30 хоногийн хугацаагаар цагдан хорих шийдвэр Сүхбаатар дүүргийн Эрүүгийн хэргийн анхан шатны шүүхийн ерөнхий шүүгч Ж.Болдбаатар гаргасан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.