УИХ-ын дэд дарга Т.Аюурсайхан Төрийн банкнаас олгосон зээлийн талаар Монголбанкны Ерөнхийлөгч Б.Лхагвасүрэнд хандан асуулга тавилаа. Тодруулбал, тэрбээр
- Төрийн банкны зээлийн бодлого, нөхцөлийн талаар;
- Төрийн банкны санхүүгийн үндсэн үзүүлэлтүүд, актив, пассив, тэдгээрийн дэлгэрэнгүй задаргаа;
- Нийт зээлийг нийт активтай харьцуулсан харьцаа улирал тус бүрээр, Монголбанкнаас тогтоосон хязгаарлалттай харьцуулсан байдлаар;
- Төрийн банкны активын өгөөж, өөрийн хөрөнгийн өгөөжийн талаарх тооцооллыг тус банктай дүйцэхүйц хэмжээний дэд бүтэцтэй арилжааны банктай харьцуулсан байдлаар;
- Малчны, тэтгэврийн, хэрэглээний зээлээс бусад зээлийн хэмжээ, нөхцөл, чанарын үзүүлэлт, барьцаалсан эд хөрөнгө, эргэн төлөлтийн талаарх мэдээллийг зээлдэгч тус бүрээр;
- Шүүхээр шийдвэрлүүлэхээр хандсан зээлийн мэдээллийг зээлдэгч тус бүрээр;
- Эрсдэлийн санг ашигласан зээлийн мэдээллийг зээлдэгч тус бүрээр;
- 2017 онд “Шинжиан шинфа” ХХК-д олгосон 20 тэрбум төгрөгийн зээлийг олгохыг чиглэл болгосон болон хэрэгжүүлсэн албан тушаалтан, шийдвэрийн үндэслэл, зээлийн нөхцөл, барьцаа хөрөнгө, эргэн төлөлтийн талаар.
гэсэн найман асуулгыг тавьж, хариулт хүссэн байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.