Сүхбаатарын талбайд болсон иргэд, залуусын жагсаал яах аргагүй үр дүнд хүрч байна. Тэд хэд хэдэн шаардлага тавьсаны дунд дарга нарын тансаглалыг хумьж, албан тушаалтнуудыг өршөөгөөд байгаа хялбаршуулсан журмыг өөрчлөх, томчуулд яг адилхан хуулийн хариуцлага хүлээлгэх агуулга байсан.
Залуус Хөгжлийн банк тэргүүтэй асуудлаар шалгуулж байгаа УИХ-ын гишүүдтэй хариуцлага тооцох асуудлыг хатуу сануулсан. Ерөнхий сайдын зүгээс ч тэр, Улсын ерөнхий прокурор түдгэлзүүлэх гишүүдийнхээ нэрийг УИХ-д оруулж ирэхийг уриалсан юм. Энэ ёсоор өчигдөр Ерөнхий прокурор Б.Жаргалсайхан УИХ-ын гишүүн Ё.Баатарбилэг, Н.Алтанхуяг, Г.Амартүвшин, Х.Ганхуяг гишүүдийн бүрэн эрхийг түдгэлзүүлэх хүсэлтээ УИХ-ын дарга Г.Занданшатарт хүргүүллээ.
Гэхдээ тэд олонхоо ашиглаж, өөрийнхөө талд кноп дарах гишүүдийг урвуулах ажиллагаа явуулах нь тодорхой. Учир нь хуулиараа гишүүдийн олонх дэмжихгүй бол прокурорын хүсэлтийг хүлээж авах боломжгүй юм.
Парламент энэ давуу эрхээ ашиглаж, УИХ-ын гишүүдийн хэргийг шүүхээр шийдэх боломжийг нь хаадаг байдал манайд бүр газар авсан. Яллагдах тогтоолдоо гарын үсэг зурахгүй, УИХ-ын гишүүнийхээ бүрэн эрхээр хамгаалалт үүсгээд суучихдаг кэйсүүд ч өчнөөн.
Залуус ийм завхарсан, шударга бус агуулгуудыг огт хүлээн зөвшөөрч чадахааргүй, тийм уур амьсгалтай буй. Тэгэхээр Засгийн газраас жагсагчдын хүсэлтийг хангах чиглэлд зоригтой алхмууд хийгээд, хуулийн төсөл оруулаад ирдэг. Тэр нь УИХ дээр унадаг. Прокурор нэр бүхий гишүүдийг гишүүдийг түдгэлзүүлэх хүсэлт өгдөг. Гишүүд өөр хоорондоо "найрагдаж", нэгнээ авч үлддэг.
Яг ийм байдлыг парламент үзүүлэх л юм бол Төрийн ордныхон бүхэлдээ тэсч үлдэхэд хэцүүхэн нөхцөл байдал үүсэхээр буйг эрх баригчдад сануулъя. Хармаа хотондоо наймаалцаж, ар өврийн хаалгаар монголын төрийг өчнөөн заваарууллаа. Одоо нийгмийн уур амьсгалаа мэдэрч, шударга агуулга руу дөхөх манлайллыг парламент өөрөө үзүүлэх хэрэгтэй.
Сонгодог парламент хөгжүүлдэггүй юм аа гэхэд сонгогдсон улсуудаа хамгаалдаг аврах танхим болоод байж болохгүй юм, УИХ. Нийгмээ дагаад залуу үе тань асар хэрсүү, ухаалаг болсныг сая жагсаал бэлхнээ харууллаа. Ер нь тэдэнд үнэнг санал болгохгүй л юухан хээхнээр хууртахаасаа лав өнгөрчээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Тансагоал нь харин түвшин ахиад нисдэг тэрэн мэрэг рүү ороод байгааюм биш үү
ХУДЛААДАА ХУДЛАА МУУСАЙН АЦНУУД НАЙРААГАА ХИЙНЭ ЭНЭ УДАА ЯЛААС МУЛТРАВЧ ИРЭЭДҮЙД ГУРВААС ДЭЭШ ҮЕЭРЭЭ ЭНЭ МУУХАЙ БУЗРЫХАА ХАРИУГ ХҮРТЭНЭЭ ТА НАР ӨӨРСДӨӨ САНАЛААРАА ТАТГАЛЗААД БУСДЫГАА ИЛЧЛЭЭД ХАМТ ШОРОН ГАЛ ХАМ БОЛЧИХВОЛ НҮГЭЛ ЧИНЬ ӨРШӨӨГДӨНӨ.БЭРХИЙН ДАНХАР ТОЛГОЙТОО ЧИНИЙ ЦААШАА ЯВАХ ЭСЭХ ЧИНЬ ҮҮНЭЭС ШАЛТГААЛНАА ХИЧЭЭГЭЭРЭЙ МИНИЙ ДҮҮ МЭДЭЛДЭЭ БАЙГАА ХҮЧНИЙХЭЭ БАЙГУУЛЛАГЫГ ХӨДӨЛГӨӨРЭЙ