Өчигдөр /2024.04.23/ Нийслэлийн ерөнхий боловсролын 84-р сургуулийн дөрвөн давхрын цонхноос дунд ангийн охин унасан хэрэг гарсан.
Энэ талаар тус сургуулийн нийгмийн ажилтнаас тодруулахад, "Хүүхэд дөрвөн давхрын цонхноос унасан нь үнэн. Одоогоор хүүхдийн биеийн байдал ямар байгааг мэдэхгүй байна. Эмнэлэгт хүргэгдсэн байгаа. Мөн цагдаа нар сургууль дээр ирчихсэн, шалгаж байна" гэсэн.
Харин өнөөдөр /2024.04.24/ охины биеийн байдлыг тодруулахад "Цонхноос унасан охины биеийн байдал хэвийн байна. Асуудлыг цагдаагийн байгууллага шалгаж байгаа. Эцсийн дүгнэлт гартал өөр мэдээлэл өгөх боломжгүй" гэлээ.
Охин 14 настай бөгөөд толгой нь эргэж, дотор муухайрсны улмаас цонхоор агаар амьсгалах үедээ унасан гэх нөхцөл байдал урьдчилсан байдлаар тогтоогдоод байгаа юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.