"Дампуурсан" Лайсмед систем дэд сайд С.Энхболдтой холбоотой юу

Эм, оношлуур, түүхий эдийг манай улс “Лайсмед” гэх нэгдсэн системд бүртгэдэг. Эл системийг 2017 онд ашиглалтад оруулж байжээ. ЭМЯ, Эрүүл мэндийн салбарын хөгжил хөтөлбөр-4 төсөл, Азийн хөгжлийн банкны санхүүжилтээр шинэчилсэн байна.

Гэвч өнөөдөр тус систем салбарынхаа чихийг халууцуулж, хариуцсан эзнийг нь хайх эрэлд гарахад хүргэв. Тодруулбал, эмийн үнэ, чанарын асуудлаарх нээлттэй сонсголын үеэр түр хорооны хянан шалгагч, шинжээч нар хариуцагчийг нь олоогүй тухайгаа дуулгаж байв.

Шинжээч "МУ-д эм, оношлуур эмийн түүхий эдийн мэдээллийг бүртгэдэг "Лайсмед" систем 100 хувь аюулгүй байдлын шаардлага хангахгүй байна. Тус системийн хөгжүүлэлтэд оролцож байсан өөр компанийн ажилтан системийн админ эрхийг эзэмшдэг. Энэ нь бүх төрлийн мэдээллийг өөрчлөх, устгах эрсдэлтэй нөхцөл байдлыг үүсгэж байна" гэлээ.

Тэгвэл энэ системийн талаар өнөөдрийн УИХ-ын чуулганы нэгдсэн хуралдааны үеэр ЦХХХ-ны сайд Н.Учрал хөндлөө.

Тэрбээр, "Лайсмед" компанийг хэн хамгаалаад байдаг юм. Энэ дампуурчихсан газрыг чинь дахиж сэргээж чадахгүй. Энэ системийг хуулийн байгууллага нь шалгаж байгаа" хэмээжээ.

Түүний асуултад УИХ-ын гишүүн Ж.Чинбүрэн "Лайсмед" компани ЭМЯ-нд өмчлөгдөж байгаа эмийн жагсаалтын систем. Гэтэл энэ системд ямар ч хамгаалалт алга. Эрүүл мэндийн сайд байсан С.Энхболд "Бид тендер авсан ААН-ээс болоод 10 сая ам.доллараа хураалгачихлаа" гээд хээв нэг яриад сууж байна" хэмээсэн аж.

У.УЯН

Энэ мэдээнд өгөх таны үнэлгээ

Хуваалцаарай Жиргээрэй