Улс төрийн мэдээ
Увсын Засаг дарга Э.Насанбатыг огцруулах саналыг Ерөнхий сайд хүлээн авах боломжгүй гэж үзжээ
Увсын Засаг дарга Э.Насанбатыг боловсролын баримт бичигтэй холбоотой асуудал болон төрийн худалдан авалт, төсөл, тендер хэрэгжүүлэхтэй холбоотой хэд хэдэн асуудалд холбогдуулан ажлаас нь чөлөөлөх саналыг ИТХ-ын ээлжит бус XIV хуралдаанаар дэмжсэн. Тухайлбал хуралдаанд оролцсон төлөөлөгчдийн 62.8 хувь буюу 22 төлөөлөгч дэмжсэн байдаг.
Түүнийг ажлаас нь чөлөөлөх эсэхийг Ерөнхий сайд Н.Учрал шийдэх байв. Тэрбээр аймгийн ИТХ-ын дарга П.Баттулгад ирүүлсэн албан бичигтээ 2026 оны 11 дүгээр сарын 04-ний өдрийн ээлжит бус XIV хуралдааны 39 дүгээр тогтоолыг үндэслэн гаргасан Э.Насанбатыг огцруулах саналыг хүлээн авах боломжгүй болохыг мэдэгдсэн байна.

Г.МИШЭЭЛ













АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.