МАН-ын бүлэг Ерөнхий аудиторт Д.Занданбатыг дэмжив

УИХ дахь МАН-ын бүлэг өнөөдөр /2019.05.06/ хуралдаж, нэг асуудал хэлэлцсэн байна. Тодруулбал, Монгол Улсын ерөнхий аудитор Д.Хүрэлбаатар өөрийн хүсэлтээр үүрэгт ажлаасаа чөлөөлөгдөх хүсэлтээ өгсөн бөгөөд түүний оронд Татварын ерөнхий газрын даргын үүрэг гүйцэтгэгч асан Д.Занданбатыг томилохыг дэмжсэн байна.

Ерөнхий аудитор Д.Хүрэлбаатар ЖДҮХС-аас өөрийн хамаарал бүхий этгээдэд зээл авсан асуудлаар УИХ-ын дарга асан М.Энхболд ажлаа өгөхийг хүсtr байсан бөгөөд тэрбээр өнгөрсөн долоо хоногт өөрийн хүсэлтээр ажлаасаа чөлөөлөгдөх хүсэлтээ УИХ-ын дарга Г.Занданшатарт өгсөн юм. Тиймээс МАН-ын бүлэг энэ асуудлыг хэлэлцэж, түүнийг чөлөөлөхийг дэмжсэн байна. Харин түүний оронд Татварын ерөнхий газрын даргын үүргийг түр орлон гүйцэтгэгч Д.Занданбатыг томилохыг бүлэг дэмжсэн байна.

Ерөнхий аудиторт нэр дэвшигч Д.Занданбат нь:

Боловсрол

1991 онд МУИС-ийн Эдийн засгийн сургууль

1998 онд Отгонтэнгэр дээд сургуулийг тус тус дүүргэсэн. Эдийн засагч, эрхзүйч мэргэжилтэй.

Ажлын туршлага

1991-1996 онд Баянзүрх дүүргийн Татварын хэлтэст татварын улсын байцаагч.

1997-2000 онд Нийслэлийн Татварын газарт улсын ахлах байцаагч

2001-2006 онд Хан-Уул дүүргийн Татварын хэлтсийн дарга

2006-2008 онд ҮТЕГ-ын Улсын төсвийн орлого хяналтын газрын дарга

2008-2009 онд ХУД-ийн Засаг дарга

2009-2013 онд СБД-ийн Татварын хэлтсийн дарга

2014-2016 онд ЗТЯ-ны Төрийн захиргааны удирдлагын газрын дарга

2016 -2017 онд Зам тээвэр хөгжлийн яамны Хөрөнгө оруулалт, үйлдвэрлэлийн хэлтсийн дарга

2017 оны 7 сарын 19-ний өдрөөс ТЕГ-ын даргын үүргийн түр орлон гүйцэтгэгч

Энэ мэдээнд өгөх таны үнэлгээ

Хуваалцаарай Жиргээрэй