МАН баячуудтай гар барьж сонгуулийн мөнгөө “БОСГОНО”

Сонгууль болоход яг 54 хоног үлдлээ. Дөрөвдүгээр сарын 10-16 ны хооронд нэр дэвшигчид эцэслэн тодорно. Тэгэхээр 10-наас намын ивээлд багтаж мандат авах нь аваад, бие даагчдын мөрийн СЕХ-ны босгыг алхах нь алхана.

АН нэр дэвшигчдээсээ 100 саяын дэнчин авч сонгуулийн зардал босгож байгаагаа ил тодоор зарласан. Харин 200-400 саяыг нэхэж байгаа гэдэг нь ил болоод буй. Эл нам бизнесийн бүлгүүд, мөнгөтэй хүмүүсээс намаа хараат байлгах үүднээс нэр дэвшихээр горилогчдоосоо дэнчингийн мөнгө авч байгаа гэж өөрсдийгөө зөвтгөсөн. Харин МАН-ын дарга нэр дэвшигчдээсээ мөнгө авахгүй гэдгээ зарласан. Оронд нь ёс суртахууны хэм хэмжүүр харна, ЖДҮХС-ийн зээлд хамрагдсан гишүүдээсээ ч татгалзана гэх мэт шударгын туйл ярина лээ. Гэвч сонгуульд гапий улаан мөнгөгүй орно гэдэг ХУДАЛ.

ҮАГ тойргуудад нэр дэвшигчээс 360-775 сая зарцуулагдах тооцоо гаргасан. Ядаж л энэ мөнгөө МАН яаж босгох вэ. Сонгууль дөхсөн ч энэ асуултын хариу бүрхэг хэвээр явж ирлээ. Тэд АН шиг нэр дэвшигчдээсээ мөнгө татаж олон нийтийг бухимдуулахгүй. Харин хэдхэн баячуудтай гар барьж сонгуулийн мөнгөө БОСГОНО.

Монгол Улс дахь хамгийн авлигажсан институци нь нам болчхоод байгаа. Намууд маш их далд санхүүжилт авдаг. Намын ширээний доор нь жинхэнэ гар барилдаан явагддаг. Хэдий хэмжээний их мөнгө төлснөөрөө өндөр албан тушаалд суудаг жишиг тогтчихсон. МАН энэ жишгийг давтах уу.

МАН-ын гар барих хэдхэн баячууд тэгвэл ЯМАР ХҮМҮҮС вэ.

ШАТАХУУН ИМПОРТЛОГЧ АКУЛУУДЫН НЭГ “СОД МОНГОЛ”-ЫН Ц.АНАНДБАЗАР

МАН-ын гар барьсан баячуудын тэргүүн эгнээнд шатахуун импортлогч акулуудын нэг “Сод Монгол”-ын Ц.Анандбазар. Энэ оны УИХ-ын сонгуулийн Булган аймгийн тойргийн нэгийг тэр онилсон.

Тэрээр У.Хүрэлсүхээс нилээн зайтай байв. Байв гэсний учир одоо тэрээр ямар нэгэн учир шалтгааны улмаас гар бариад байгаа. Ц.Анандбазар УИХ-ын дарга Г.Занданшатараар дамжуулан У.Хүрэлсүх дээр дандаа мөнгө ярьж ордог хэмээн хөшигний ард яригддаг. Гэвч түүнд нь У.Хүрэлсүх туйлын дургүйлдэг ч, сонгуулиар гар барих шалтгаанаа одоо нэгэнт олсон бололтой. Тэднийг чухам юу ойртуулсан нь тун хачирхалтай.

Тэрээр оны сүүлээр л Булган нутгийнханд хайр зарлаж, сонгогчдыг бэлгээр дарсан горилогч. Тойргоо тойглож явахдаа хоёр хүний мишок, хоёр нүдний дуран бэлэглээд том том хонжвортой сугалаа явуулсан. Сугалаанд мотоцикл, эмээл, хазаар, ногт чөдөр, 100-400 мянган төгрөгийн талон хүн бүрт 10 мянган төгрөгийн шатахууны талон өгч, Булганчуудад бэлгийн хур буулган баян тарганаа ёстой л нэг гайхуулах шиг болсон билээ.

МОНГОЛЫН ТОЛГОЙ БАЯЧУУДЫН НЭГ “ГОЛОМТ”-ЫН ТУЗ-ЫН ДАРГА АСАН Д.БАЯСГАЛАН

МАН-ын буюу У.Хүрэлсүхийн гар барьсан хоёр дахь хүн “Голомт”-ийн гэгддэг Д.Баясгалан. У.Хүрэлсүхтэй холбогдох эхний сэжим нь У.Хүрэлсүхийн эхнэр Д.Баясгалантай нэг ангийн найзууд.

Тэрээр “Алтан дорнод монгол”-ын Т.Ганболд болон УЕП асан Д.Дорлигжав хоёрын гүйлгээг андуурч эндүүрсэн тул данс эзэмшигчээс нь асуулгүйгээр Голомт банк буцаалт хийсэн. Эл хуймгай үйлдлийнх нь цаана тус банкны ТУЗ-ын дарга Д.Баясгалан байсан гэгдэж нийслэлийн Прокурорын газраас 30 хоног баривчилсан ч, ДӨРӨВ хоноод л суллагдчихсан.

Дараа нь Тавантолгой түлш компаний сайжруулсан түлшний тоног төхөөрөмж нийлүүлэх 1.5 тэрбум төгрөгийн үнийн дүнтэй тендерт шалгарч, Ерөнхий сайд У.Хүрэлсүхтэй гар нийлэн зүтгэж эхэлсэн нь сонин.

Тэрбээр өмнөх сонгуулийн үеэр М.Энхболдыг спонсорлосон гэх яриа байдаг билээ.

БИЗНЕСИЙН САЛБАРААС УЛСТӨРИЙН САЛБАР ЛУУ ЗҮТГЭХ БӨХ Ц.ЦЭРЭНПУНЦАГ

МАН-ын улстөрч бөхийн тоо нэгээр нэмэгдэх нь. МАН-ын гар барьсан гурав дахь хүн нь Гарьд Ц.Цэрэнпунцаг. Тэрээр МАН-ын гишүүнчлэлтэй болж төрсөн нутаг болох Завхан аймгаасаа сонгуульд горилно. Ер нь тэрээр эртнээс улс төрд орох бэлтгэлээ базаасан. Үндэсний бөхийн дэвжээнээс бизнесийн салбарт хүч үзэж, сэргэлэн овсгоотой нэгэн болохоо харуулсан. Харин энэ адаа бизнесийн салбараас улстөр рүү орох шинэ нүүдлээ хийх нь. Үндэсний бөхийн аварга Б.Бат-эрдэнэ, Д.Сумъяабазар, А.Сүхбат нар шигээ УИХ-д сууна гээд мөрөөдөж яваа.

Улстөрч бөхийн тоог Завханыхан нэгээр нэмэх үү, үгүй юу гэдэг нь 54 хоногийн дараа тодорхой болно. Үндэсний бөх улс төр хоёрын хоршлыг олон нийт таатай хүлээж авдаггүй. Улс төрд гарсан бөх ах нар нь тийм ч сайнаар яригддаггүй. Гэтэл МАН энэ удаа бас л бизнесмэн бөхтэй гар барьж, үндэсний спортын цолтнуудаар цацаг чимгээ хийх нь. Тэр аль эртнээс Завхан нутгийнхаа тойргоо тойглож, баян тарганаа гайхуулж, сонгуультай золгох нь.

НҮҮРСНИЙ КОМПАНИЙН ЭЗНИЙ ОХИНЫ АН-ААС МАН РУУ ХИЙХ УРВАГЧ НҮҮДЭЛ

МАН-дараагийн гар барьсан хүний нэг нүүрсний компанийн эзний охин. “Өсөх зоос” компанийн Чинбатын охин Ч.Ундрам. Тэрээр АН аас МАН руу урвасан том нүүдэл хийж У.Хүрэлсүхтэй гар барьж байна.

2015 онд Сэлэнгэ аймгийн АН-ын АЗХ-ны дэд тэргүүнээр сонгогдож, 2016 онд Г.Эрдэнэтунгалагийн сонгуульд явж байсан паянтай. Гэтэл өнөөдөр МАН-ын гишүүн болчихсон Сэлэнгэ аймгаас нэр дэвших гээд “Би АН-д байгаагүй” хэмээн худлаа ярин гүйж явна.

Харин түшний нөхөр Б.Наранцацралт нь АН-ын идвэхтэй залуучуудын нэг бөгөөд Хан-Уул дүүргийн төлөөлөгчөөр АН-аас сонгогдон ажиллаж байгаад 2016 оны сонгуульд Э.Бат-Үүлийн багт орон нэр дэвшсэн нэгэн юм билээ. Ийнхүү энхэр нь МАН-д, нөхөр нь АН-д зүтгэж аль ч намын хөнжил дор багтах нүхээ малтсан овсгоотой залуус аж.

Ч.Ундрам нь улстөрд орохоосоо өмнө МУИС-д ажиллаж байхдаа дүн засдагаараа алдаршиж байв.

Энэ мэдээнд өгөх таны үнэлгээ

Хуваалцаарай Жиргээрэй