НИЙГЭМ

М.Энхсайханы шоронгоос бичсэн ТЭМДЭГЛЭЛ

Өчигдөр буюу тавдугаар сарын 8-нд шүүхээс Ерөнхий сайд асан М.Энхсайханд дөрвөн жил, зургаан сарын ял оноосон билээ. М.Энхсайхан шоронд тэмдэглэл бичжээ. Үүнийг уншигч та бүхэнд бүрэн эхээр нь сонирхуулъя.


461 ТЭМДЭГЛЭЛ

2020.04.23.

Шүүхийн шийдвэрээр хоригдохоор боллоо.Шийдвэр бичиг цаас болтлоо уддаг бололтой.Умгар нэгэн өрөөнд 8-9 хоригдлуутай бараг 10 цаг болов. Энэ хооронд тэдэнтэй танилцаж юу эсийг ярих вэ. Ганц нэгээс нь бусад нь 20-30 насны залуус. Сонсоод байхнээ тэд алджээ. Харамсалтай нь хохирогч нь гомдолгүй гээд байхад яллачихдаг бололтой. Хүмүүсийг эвлэрэлдье гэхээр нь хагаралдуулчихдаг хуулийн заалтууд байгаа бололтой дог. Харанхуй бүрий боллоо. 461 рүү авч явахаар боллоо. Бүсэлхийгээр гинжилж гарт хэлхээтэй даавуун бээлий углаж, гавлав. Тээр нэгэн жил Хойт Солонгос Хятадын хилийн хотруу оргон зугтаасан гэмт хэрэгтнүүдээ өөрсдөө авъя гэсээр байгаад авч явахдаа бүгдийнх нь гарыг төмөр утсаар сүлбээд авч явснаас дипломат будилаан үүсч байсан явдал санаанд буув. Тэрэнтэй харицуулбал Монгол маань хамаагүй ардчилсан юмаа.Журам юм чинь журмаараа л байг. Машинд суулгах зуур гадаа олон цагаар хүлээсэн эхнэр маань шүүхэд ирэхдээ өмссөн бажаанкийг маань пүүзээр сольж хармаа руу шүдний оо хийв. Түүнийг нь шалга гэсний дагуу цагдаа нэг үзсэн болоод хармаа руу шургуулав. 461 т биднийг авчрав. Шинэчлэгдсэн зүйл гэвэл хашааны хаалганаас шорон хүртэлх явган замын хоёр талаар өргөст төмөр тор татжээ. Эмнэлгийн үзлэгт оров. Даралт бага зэрэг өсчээ. Зүгээрээ л гэлээ. Нэгэн камерт оруулсан нь өмнөхөөсөөө ялгаатай нь хана туурга дээр бичсэн бичвэрүүдийг будаж янзалжээ. Даралт бууруулах эм өгөв. Өөрт байнга авч явдаг өвдөлт намдаах эмтэй цуг зооглож давсанд явлаа.

2020-04-24.

Охидууд маань цочролд орчихоогүй байгаа гэсэн бодолтой сэрэв. Хэд хоногийн өмнө аавыг чинь шоронд хийх гээд байгаа гэж палхийтэл нь хэлчихсэн юм. Өөрөөр яаж хэлэлтэй билээ. Эхлээд цочоод ,дараа нь дуугаа хураагаад , шөнө дөлөөр интернетээс шорон гэж юу байдаг тухай үзээд ээждээ ярьсан байна лээ. Маргааш нь надаас яагаад гэж асуусан. Сайн муу хүн гэж байдаг юмаа. Тэд л тэмцэлдэж байгаа юм гэсэн товч хариу л өгсөн. Одоо ойлголт нь бүр сайн болоо байлгүй.

*********

Өчигдөр урьдчилан хорих байранд байхад англи хэл дээр 3 ном ирлээ. Хоёр номыг нь хоёр хоригдол гарын үсэг зуруулаад авчихдаг байгаа. Нас тогтсон хоёр хоригдолд орчуулбаас “ Хүн ба Бурхад “ , утгачилбал “Хараал хэлэхгүйгээр амьдралаа хэрхэн өөрчлөх ид шид “ гэсэн номоо өгөв. Нэгийг нь уншсан нөгөөгийг нь уншаагүй ном байв. Хэл усгүй ч номын гарчиг харчихаад ямар гоё ном бэ , заавал уншинаа, орчуулж уншсанаа танд явуулна гэв. Бусдад хэрэгтэй ном бол болж л байна гэж бодов.

Нэг хоригдол хашгирч байна. Тойргийн уртыг яаж олдог юм бэ ? Юуг юутай харьцуулдаг юм бэ сда гээд тэвдээд байгаа бололтой. Хэн юу гэж хариулах нь надад сонин байлаа. Ихэнхи нь энэ асуултад бүдэрч байгаа сонсогдоно. Гэтэл нэг хоригдол 2-ыг радиусаар нь үржүүл гэв. Сда радиус гэж юу юм бэ гэв. 3.14 гэснээр яриа өндөрлөв. Би эхлээд бүтэлгүй хариу сонсоод инээж байснаа зөв гаргалгаа олсонд нь битүүхэндээ баярлав.

Ура хоол өгч байна. Өчигдрөөс хойш юм идээгүй надад бөөн таашаал . Надад үлдсэн ном нь “ The Stress Test” нэртэй. Өөр ном байхгүй тул уншиж эхлэв. Хорвоо эргэлдэхэд яагаад зарим хүмүүс гутарч , дуугаа хурааж чимээгүй живдэг, харин зарим хүмүүс улам хүчирхэг болдог тухай ном юм. Ницше гэдэг алдартны “Намайг алахаас бусад зовлон намайг хурцалдаг “ гэсэн үгнээс эхлээд судалгаа хийжээ.

2020-04-25-26.

Хүйтэн камерт даарсхийн хоноглов.Бусдаар бол зүгээрээ. Эмч ирж даралт үзэв. Төмөр хаалганы нүхээр гараа гаргаж даралтаа хэмжүүллээ. Бусдаар бол зүгээрээ.

***

Хоригдлууд коронавирусээр төдөн хүн өвдсөн гээд тоо уралдуулж байна. Гадаад орчноос таслагдсан бидэнд мэдэх юм алга.Дэмий л санаа зовох юм.Хүйтэн орон дээр удаан сууж бичлээ. Нуруу хөших шинжтэй . Энэ зуур торны завсраар болжмор орж гарч байгаа харагдана. Тэднийг хооллочихоод хөнжил дотроо хэвтэхээс…….

****

Шоронд хагас бүтэн сайн өдрүүдээр хаалгыг нь харуулууд ч онгойлгох эрхгүйгээр блоклодог юм байна.Эмч төмөр хаалганы нүхээр даралт хэмжээд байсны учир тайлагдав. Жиндүүлээд нуруу гацаж магадгүй байна доороосоо зузаалах гудас байвал зүгээр байна гэсэн хүсэлт тавилаа. Төдий л удалгүй гудас авчирч төмөр хаалганы жижиг нүхээр өгч авалцав. Гэрээс уншиж амжихгүй яваад байсан 2 ном иржээ. Японы иргэн Акира Оно (монгол нэр нь Огонуус Цогту ) ийн бичсэн “ Монгол хүн ба СОЁЛЫН ХУВЬСГАЛ “ “Төвдөд эргүүлсэн Япон сэлэм “ номыг амтархан уншлаа. Японы гадаад бодлогод нөлөө үзүүлсэн , японы судлаачид , улс төрчдийн анхааралд ихээхэн орсон судлаачийн бүтээл аж. Их Монгол улс байгуулж , дэлхийг эзэлж явсан монголчууд Юань гүрэн задарснаас хойш өөр хоорондоо нэшдэж үзээгүй явсаар хэрхэн коммунист Орос, коммунист Хятадын колончлолд орсон гунигт түүхийг баримттайгар бичжээ. Болоод өнгөрсөн явдал гэж бодох хэрэггүй. Түүх их багаар давтагддаг жамтай. Өөрийгөө улстөрч гэж үздэг хүн бүрд энэ номыг уншихыг зөвлөж байна.

*****

Хагас бүтэн сайнд хөл хөдөлгөөнгүй учир чангаар 2 цаг орчим зохиолын дуу тавив.

Хоригдлуудад үзүүлж байгаа төрийн үйлчилгээ л юм уу даа. Ямар ч байсан социализмын үеийн шорон биш. Гэхдээ энд диско сонсдог газар биш шүү залуусаа.

*****

THE STRESS TEST” номоос -Австралид газар хөдөлжээ. Олон хүн хүний нэр мартах, барьсан тавьснаа санахгүй , анхаарлаа төвлөрүүлж чадахгүй байсан” гэнэ. Айдас хүнийг ингэтэл нь стресст оруулдаг аж.  Хувь хүний эрх, эрх чөлөө тухайн хүнд өгөгдсөн анхдагч өгөгдхүүн .Тэр тусмаа Монгол хүн Тэнгэрээс эрх чөлөөтэй төрдөг цор ганц үндэстэн.Түүнтэй нэгэн адил айдас бол тэр хүний өөрийнх нь өмч. Айдсаа бусдад эзэмшүүлбэл эрх чөлөөгөө алдахтай агаар нэгэн болой.

2020-04-28

Өнөөдөр өмгөөлөгч Пүрэвдулам ,мөн Шинэбаяр нар ирэв. Пүрэвдуламыг орж, шилний цаанаас утсаар ярихыг зөвшөөрчээ. Шинээ гадаа үлдэж. Баригдаад 10 гаруй цаг болж байж ачигдсан юм. Тэр үед эхнэрийн маань дэргэд Дэнс бүсгүй маань зогсож харагдсан. Сэтгэлийн дэм өгсөн дайчин бүсгүйдээ баярлаж байгаа шүү.

Пүрэвдулам : Болж байгаа үйл явдал зөвхөн таны асуудал биш боллоо, Үндсэн хуулиар өөрийгөө өмгөөлөх эрх танд байдаг , эрхэнд чин халдсан байнаа гэж байна. Өөр олон мэдээлэл хуваалцав. Монголчууд маань мэдэх мэдэхгүй асуудлаар хоорондоо талцан хуваагдаж , харь орны бодлогын золиос болж байна гэдэг бодол маань бэхжлээ гэж хариу хэлэв.

****

Сэтгэл сэргэж камертаа ирээд хогоо шүүрдэе, шүүр хутгуур өгөөч гэсэн хүсэлт тавив.Хэсэги хугацааны дараа ишийг нь сугалж авч үлдсэн шүүр , хутгуур өглөө. Аюулгүйн талаасаа бодож ишийг нь авч үлдсэн байх.Шүүрний иш бариад би яав л гэж дээ. Өрөөгөө мөлхөж шүүрдлээ. Ноосорсон хог гардаг байна шдээ.

2020-04-29.

Өглөө босоод өрөөндөө нойтон цэвэрлэгээ хийе, шалны алчуур , мод өгнө үү гэлээ. Гэтэл хажуу камерт хоригдож байгаа нэгэн залуу намайг өрөөндөө авчих, би өдөрт 3 цэвэрлэе гэнэ. Тийм бага уу гэтэл 6-7 цэвэрлэе , массаж хийж өгье , бухимдвал зодуулъя гэж инээдэм тарив. Залуус хараалын үг хэлэвч цайлган гэдэг нь мэдэгдээд байх юм. Шоронд байгаа нь харамсалтай юм.

2020-04-30.

Хэвтэж байтал төмөр хаалга тачигнав. Онлайн шүүхэд дуудаж байна гэлээ. Хэд хоногийн өмнө Эрдэнэбат өмгөөлөгч маань цагдан хорьсон шүүгчийн шийдвэрийг өөрчлүүлэхээр гомдол гаргасан, 24 цагийн дотор хэлэлцдэг гэж байсан нь санаанд орлоо. Тэрнээс хойш хэд хоночихож. Шүүх нь хуралдаад цагдан хорь гэсэн юм байлгүй гэж бодож байлаа. Гэтэл үгүй байж. Онлайн хурал гэдэгт нь орлоо, тавьсан гомдлыг олон хоног хоцруулж хэлэлцэж байгааг ойлгов. Шүүхийн танхимд хэн юу ярьж байгаа нь юу ч ойлгогдсонгүй бөөн шуугиантай , дуу нь тасалдсан орж гарсан юм л болж байх юм. Яллагдагч онлайнаар шүүхийн ажиллагаанд оролцсон гэсэн үзүүлэлт л хэрэгтэй байдаг бололтой юм. Надаас шүүгч санал , бодлоо хэлнэ үү гэв. Би “та хэдийн юу ярьсныг сонсож чадсангүй “ гээд Шүүхээр хэргийг шударга шийдье гэвэл прокурор , өмгөөлөгч , яллагдагч ижилхэн түвшинд баймаар байна .Шоронд яллагдагч нь суучихаад хэргийн материалаа ахин дахин нягтлах бололцоогүй , дээр нь бодлоо төвлөрүүлж чадахгүй байдал бий болж байна .Өмгөөлөгчийн маань саналыг авч хэлэлцэнэ үү гэсэн утгатай хүсэлт тавив. Шүүх зөвлөлдөхөөр юм боллоо. Төдий л удалгүй “Энхсайханы өмгөөлөгчийн гомдол үндэслэлгүй байна” гэж шийдвэрлэв.Би ч хэвтэж байсан бол дээр байждээ гэсэн шүү камертаа орж орон дээрээ хэвтлээ.

2020-05-01.

Майн 1 ийг шоронд угтдаг хувь тавилантай юм байна би гэдэг хүн. Майн 1 ий мэнд хүргэе гэж чанга хэллээ. Залуус тэр чинь юун өдөр билээ гэж асууцгааж байнаа. Шинэ үе томорсны шинж юмуу даа.

*****

Ерөнхий Прокурорын Газраас нэгэн хэлтсийн дарга шалгалтаар ирж, товчхон уулзав.Ярианы өнгөөс нь харахад сошиалаар гарсан элдэв мэдээллээр явж байгаа юм байна . Түүнд дараахь саналуудыг сонордуулав.

1.Хуулийн алдаа мадаг,буруу хэрэглээнээс шорон залуусаар дүүрэн байна.Анхаарна уу гэлээ.

  • Шоронд хүний эрх чөлөөг хязгаарласан болохоос хүн байх эрхийг нь хязгаарлаагүй . Хүн хүн байхын тулд мэдээлэл авдаг байх ёстой. Үүний тулд ном , сонин, хэвлэлээр хангах хэрэгтэй байна гэв. Гэрээс нь оруулж байгаа биздээ гэж асууж байна.Сонин хэвлэл авах чадалтай нэгэн байхад ,чадал хүрэхгүй нэгэн байгаа.461 -р ангиас энэ ажлыг зохион байгуулдаг болгомоор байна гэлээ.
  • Өчигдөр онлайн шүүх хурал гэгч хуралд оролцлоо.Шүүхийн танхимд юу болж байгаа нь сонсогдоогүй , яллагдагч хуралд байлцсан нэр хэмээдэг гэв.Техникийн алдаа байсан юм боловуу гэж асууж байна. Техникийн алдаа бишээ хүний хувь заяаг шийдддэг хурлыг ингэж хийдэг баймааргүй байна гэлээ. Прокурор анхааръя гэлээ.
  • Таныг 10 цаг хөл дээр нь зогсоосон ,залхаасан гэж УИХ дээр хүртэл яригдлаа гэж прокурор хэлэв. Шүүхийн доор подвалд цонхгүй жижиг өрөөнд 8-9 хоригдол байсан.Миний шийдвэр гарахгүй 10 цаг болсон доо.Надаас болоод баахан хоригдол олон цаг саатах шиг санагдаад тэднээс уучлалт гуйсан гэдгээ хэллээ.( Тэд бид шорон руугаа яараад ч яах юм билээ гэж байсан шүү ) Прокурор хоол, унд өгсөн үү гэж асууж байна. Өгөөгүй гэлээ. ( За энэ том асуудал биш л дээ) Хүн хэлмэгдүүлчихвий гэж санаа зовоод тэнд байсан цагдаа нар ажлаа сайн хийж байсан шүү гэсэн үг дайв.
  • Прокурор эмч үзэж байгаа юу биеийн байдал ямар байна гэж асуусан. Бие сайн байгаа , өвдөж зовж байснаа тоочвол “цэцгийн баглаа “ шиг болчихноо гэв. Анхааръя , санал хүсэлт байвал хэлээрэй гэснээр бидний ажил хэрэгч уулзалт өндөрлөвөө.

****

Хонгилоор явж байсан хоригдол “Ахаа зөвлөгөө өгөөч гээд шүүхэд шүүхэд гаргах” гомдлоо торон завсраар өгөв. Нэр чинь хэн билээ гээд асууж амжив. Өгсөн материалыг нь уншчихаад торны завсраар нэрийг нь дуудтал хариу өгч байна. Чангаар зөвлөгөө өгөв. Өөрөө өмгөөлөгч авчихсан, хуул ийн зөвлөгөө авч ажиллаж байгаа мөртлөө шоронд бусдад хуулийн зөвлөгөө өгдөг өдөр байлаа.

2020-05-02.

Хагас сайн өдөр болжээ. Хөгжим эгшиглүүлж байна. 2 хоногийн дараа шүүх хурал болох гэж байдаг. АТГ -ын “зохиол”ыг ахин дахин нягталж үзмээр, өөрийнхөө хэлэх үг, олон нийтэд хүргэх мэссэж дээр суумаар байдаг .Шоронд бодол санаа энд тэнд тэнээд байдаг . Миний байж байгаа царай гэж өөрийгөө хараасан ч энэ нь Монголын маань царай болчихвий гэж санаа зовов.

*****

Гэрээс сахлын машиныг дөхүүлжээ. Нэлээд удаж байж камертаа биш , нэгэн бяцхан даргын өрөөнд сахлаа хусах бололцоо олдлоо.Толинд харлаа. Цав цагаан сахал. Шүүх шударга ч бай , шударга бус ч бай Монголынх учир царай алдаж очоод яахав гэсэн бодолтойгоор сахалаа хусч орхив.

2020-04-26 Сайн уу Миний охидуудаа? Аав нь энд сайн байна. Хоол нь дажгүй. Хичээлээ сайн хийгээрэй. Өрөөндөө ганцаараа. Ээжийнх нь явуулсан ном , бүх зүйлийг авсан. Номнуудыг бүндийг нь уншаад дуусгачихсан . Санаа зовох хэрэггүй ээ. Хичээлээ сайн хийнэ шүү. Аав нь зөв юм хийж байснаа сайн мэддэг.Буруу ойлгодог хүмүүс байж л байдаг. Том болохоороо бүүр сайн ойлгодог болох байхаа. Охидууддаа маш их хайртай шүү.

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

41 Сэтгэгдэл

  1. huniig araich bas 75 sayiin mashiniig 135 d avlaa gej 4.6 jil yl uguud baihdaa yahavdee!!!!!!ternees iluu idej uuj baigaa humuusee shalgaachee!!!!! atg procuror bugd hudlaa hunii amaar ajla hiideg !!!!!

  2. “…Майн 1 ий мэнд хүргэе гэж чанга хэллээ. З####уус тэр чинь юун өдөр билээ гэж асууцгааж байнаа.” Хувь заяаны тохуурх#### юмдаа.
    Монголын эсрэг ажилласан хэн бүхэн хариуцлагаа хүлээг. Улс тѳрийн олон хулгайч цээрлэлээ хүртээсэй.

  3. Хайран хүн л гэнэ хайран эх орон газар шороо минь гэж бодох байсан юм энэ хүний хийсэн хэрэгт таарсан шийтгэл оногдуулсан гэж найдана харин тэр хажууд нь байсан жижгүүд төрийн томчуудын босгосон хөгийн нийгмийн золиос болон ажил амьдр####гүй

  4. Энэ махны машин дээр сууж байгаа хулгар удахгуй унаад хэрчигдэнэ гэдгээ ойлгож байгаа болов уу?

  5. Уг нь хүү охинтой байсан санагдахийн Сүүлд өөр хүнтэй суугаад охидуудтай болсон юм байхдаа

  6. Hund yaj handana yag tiim hariu am###g gedegiig ene humuus meddeg bolvuu havar hogiin urga### tarival namar hogiin urga### l huraaj avdag ene bol jinhene huuli

  7. Хайран сайн толгой эрдэмтэн минь ухаан д####ай шүү яагаад ,яагаад яагаад гэж харамсаж байна шүү таниар бахархах цаг мөч ойрхон байгаа байхаа би намчирхсангүй зөвхөн өөрийнхөө үзэл санааг гарг####аа

  8. Энэ хүнийг хэлмэгдүүллээ дээ.Улс төр ямар бохир заваан юм бэ.Дургүй нэгнээ дуугуй л явуулчих юм аа.Мундаг сэхээтэн.Та бүү шантраарай.

  9. Эх орноо худ####дсан хүмүүсээ хорих болохгүй юу .сая биш тэр бумаар нь идсэн хулгайчидаа

  10. ЭНЭ МЭТ ХУЛГАЙЧУУДЫГ ЧӨЛӨӨТЭЙ ЯВЖ БАЙХАД НЬ ЭДНИЙ БАЙГУУЛСАН НИЙГМИЙН БУЗАР БУЛАЙГ ШАГШИН МУУЛНА. ХЭРЭГ ХИЙЖЭЭ ГЭЭД ШОРОНД ХИЙЛЭЭ, ХУДЛАА ӨӨРИЙГӨӨ ӨРӨВДҮҮЛЭХ ХЭДЭН ЮМ ЭРЭЭЧЛЭЭ ГЭЭД САЙН ХҮН ХЭМЭЭН ХАЛАГЛАНА. ТА НАР БИТГИЙ ШАА!!!

  11. Эд нар шоронд орохоор уран зохиолч болдог юмуу хачаа вэ, хийсэн нүгэлээ одоо сайшаах хэрэгтэй

  12. Баригдахгүй юм шиг аашлаж, б####рахгүй юм шиг явсны эцэст шагн#### нь энэ болж дээ..Өрөвдлөө гээд эх оронч уучлахгүй шүү

  13. эх орныхоо эсрэг гэмт хэрэг хийсэн бол маш бага ял огсон байна энэ ямар ишиг хулгайлаа юу? бух насаар нь хорь!

  14. Би мэдэж байна удахгүй бие нь өвдөнө тэгээд гарна хэсэг бүлэг хүмүүс нь бурханаас ч илүү шудрага хүн сул#### хэлмэгдүүлж байна гээд эхлэнэ тэгээд л суллана хэсэг хугацааны дараа мартандаа.Монгол хүмүүс ийм сайхан өр зөөлөн хүмүүс юм даа

  15. Хүмүүс оронд нь хүртэл хамт унтдаг юм шиг л мэдэх юм аа яаж хэлмэгдүүлсэн сэхээтэн эрдэмтэн гэдэгийг нь ямар аргаар мэддэг байна зааж өгөөч

  16. МОНГОЛОО ГЭСЭН СЭТГЭЛ ЗҮРХ БАЙХГҮЙ БОЛ ХИЧНЭЭН МУНДАГ ЭРДЭМТЭН ЭДИЙН ЗАСАГЧ БАЙГААД ХЭРЭГГҮЙ БИЗ ДЭЭ….

  17. N.U.B. iin inderees Angli heleer us tsas shig iltgelee taviad saihan ineemseglesen bierhuu zorimoghon zaluug haraad baharhah setgel torj bilee .olon jiliin omno. Ter .M. Enhdaihan bilee.

  18. Энэ хүн бодит үнэнийг бичсэн байна хэлмэгдүүлэлт гэж энийг л хэлэх байх тэр Монголоор дүүрэн луйварчидтайгаа тооцоогоо хийвэл таарна.

  19. 1996 онд ерөнхий сайд болоод тагнуулын байгууллагыг татан буулгаж 285 хүнийг тэтгэвэрт гарсан хамгийн том ####даа нь байсан даа

  20. энэ ёстой Монголчуудыг м#### гэж боддог байхаа уяхан сэтгэлтэй Монголчуудыг м####лаад сурчихлаа шүү Өмхий хятдын шээс

  21. Нас ахисан ухаантай хүнд их хөрнгө, шун#### хэрэггүйг ойлгосон энэ ухаантай хүн улс эх орндоо их л хэрэгтэй хүн юмсан хүн биш хүнэнцэрүүд төрийн эрх мэдлийн төлөөх ####ааны золиос болжээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button