ТАНИЛЦ: PUBG-гаар ДЭЛХИЙ АВАРГАД III-т орж, 100.000 ам.доллараар шагнуулсан ТАМИРЧИД

PUBG, “Dota-2”, “Counter strike” гэхээр уншигч та хамгийн түрүүнд эцэг, эхчүүдийн “шүдний өвчин” болсон цахим тоглоомын төрлийн тухай бодох болов уу. Тэгвэл энэ бүхэн ард хоцорч, интернэт тоглоом өдгөө цахим спорт болон хүрээгээ тэлж, дэлхийн олон орон жүдо, чөлөөт бөхөөс дутахгүй хөгжүүлэхийн төлөө эрвийх, дэрвийхээрээ зүтгэж байгааг анзаарсан уу.

Үүнийг нотлосон нэгэн тэмцээн АНЭУ-д өчигдөр дууссан нь PUBG mobile-ын дэлхийн аварга байлаа. Тус тэмцээнд Монголын “Zeus” баг анх удаа өрсөлдөхдөө гуравдугаар байрт орон, түүхэн амжилтын эзэд болов. Улмаар монгол залууд эх орныхоо нэрийг дуурсган, 100.000 ам.доллароор шагнуулсан нь яах аргагүй чухал үйл явдал.

Манай баг лигийн тоглолтод 45 тоглолт хийн, 260 оноо авснаар XIII-т бичигдэн, 1.3 сая ам.долларын шагналын сантай дэлхийн аваргад оролцох эрх авсан юм. “Zeus” багийнхан “Мастерс”-т зодоглосон жүдочдын хамт АНЭУ-д очсон.

Одоо PUBG-чин бус мэргэжлийн спортын тамирчин, мэргэжлийн спорт гэдэг өнцгөөс харж дүгнэх, дэмжих цаг болсныг энэ үйл явдал тод харууллаа. 2018 онд байгуулагдан, бор зүрхээрээ зүтгэсээр энэ амжилтыг гаргасан залуусыг танилцуулъя.

“Zeus” багийн гишүүд:

“Zeus” багийн гаргаад буй амжилт

С.Ундрах буюу Undaak

Сүхбаатарын Ундрах Undaak гэдэг нэрээр тоглодог. “Zeus” багийн хамгийн эрхэм хүний нэг нь тэр. Учир нь С.Ундрах 2018 онд багаа үүсгэн байгуулсан, багийн ахлагч. Үүний сацуу багийнхаа арын алба, менежментийн бүх зүйлийг хариуцдаг. Тэрбээр өдгөө Япон улсад амьдардаг. Хүндэтгэх шалтгааны улмаас энэ удаагийн дэлхийн аваргад оролцоогүй.

ТҮҮНИЙ АМЖИЛТ

З.Золбоот буюу ZYOL

Золбоогийн Золбоот буюу ZYOL. Тэрбээр 2020 оны наймдугаар сараас “Zeus” багт тоглож байгаа. Энэ удаагийн дэлхийн аваргад “Zeus” баг амжилт гаргахад чухал нөлөө үзүүлсэн тамирчдын нэг нь. ZYOL тэмцээний гурав дахь өдрийн MVP буюу үнэ цэнэтэй тоглогчоор тодорсон.

Үүний сацуу ДАШТ-ий 10 шилдэг тоглогчийн нэгээр шалгарсан нь хэр ур чадвартайгийнх нь илрэл. ДАШТ-ий үеэр бусдаас тодорч, гадаадын цөөнгүй багийн хараанд өртсөн байна лээ.

ТҮҮНИЙ АМЖИЛТ

Б.Тэнгис буюу ICY

Батнасангийн Тэнгис ICY нэрээр тоглодог.

ГАРГАСАН АМЖИЛТ:

Н.Дулаанжаргал буюу Adely

Н.Дулаанжаргал Abely гэдэг нэрээр тоглодгийг хүмүүс сайн мэднэ.

ТҮҮНИЙ ГАРГАСАН АМЖИЛТ

Б.Билгүүн буюу Godless

Баатархүүгийн Билгүүн Godless нэрээр тоглодог. Энэ удаагийн дэлхийн аваргын шилдэг 10 тоглогчийн нэгээр тодорсон.

ТҮҮНИЙ АМЖИЛТ

О.Бат-Оргил буюу Ronin

Оросоогийн Бат-Оргилыг цахим спортынхон Ronin нэрээр нь андахгүй сайн мэднэ. Багтаа өнгөрсөн оны дөрөвдүгээр сард нэгдсэн. Энэ удаагийн дэлхийн аваргад пасспортын асуудлын улмаас оролцож чадаагүй.

ТҮҮНИЙ АМЖИЛТ

Тэд влог идэвхтэй хөтөлдөг. ДАШТ оролцохоор очихдоо, өрсөлдөж байхдаа ч мөн тэмцээний талаар сонирхуулан, монголчуудтайгаа хамт байсан юм.