Монгол Улсын Шадар сайд С.Амарсайхан өнөөдөр Нийслэлийн 84-р сургууль дээр ажиллаж буй шинжилгээний цэгийн үйл ажиллагаатай танилцлаа.
Ингэхэд шинжилгээний цэг дээр ажиллаж буй хүмүүс ариутгалын бодис хангалтгүй байдаг, хувиасаа гаргаж, савангаа гэрээсээ зөөдөг хэмээр ярив. Энэ талаар удирдлагадаа хоёрдугаар сар гарснаас хойш хэлж байсан ч асуудал шийдэгдээгүй гэв.
Үүний хариуд Шадар сайд С.Амарсайхан “Дахин ийм асуудал гарвал шууд надад хандаарай. Савангаа гэрээсээ зөөнө гэж юу гэсэн үг вэ. Тэгж болохгүй. Хэрэглээний бараа, материал нөөцгүй болох учиргүй” гэсэн байна.
Өнөөдрөөс Баянзүрх дүүргийн “Нэг хаалга-нэг шинжилгээ” үйл ажиллагаа эхэлсэн. Энэ хүрээнд 84-р сургууль дээр суурин шинжилгээний цаг ажиллаж байгаа юм. Өглөөнөөс хойш тус цэг дээр 500 орчим иргэн ирж, шинжилгээ өгчээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.