НИЙГЭМ
ХСҮТ-д жижиг мэс ажилбаруудыг даатгалаар хийдэг болжээ
Хавдар судлалын үндэсний төвд жижиг мэс ажилбаруудыг ЭМД-аар хийдэг боллоо. Иргэдээс төлбөр авахгүйгээр хавдрын жижиг мэс ажилбарыг өдөрт нь хийдэг болжээ.
ХСҮТ-д
- хорт хавдрын томоохон мэс заслуудаас гадна
- оношилгооны зорилгоор мэс ажилбарууд хийх,
- эд эсийн шинжилгээ авах,
- төрөл бүрийн хоргүй үүсвэрүүд тухайлбал үү, мэнгэ, ургацаг авахуулах зэрэг тохиолдолд зориулалтын өрөө тасалгаа байхгүйгээс энэ төрлийн тусламж үйлчилгээг хагалгааны өрөөний цаг боломжид тааруулан маш хязгаарлагдмал хүрээнд хүргэж байв.
- Түүнчлэн хорт хавдрын оношгүй тохиолдолд дээрх тусламж үйлчилгээг иргэд төлбөртэйгөөр авч байсан юм.
Тиймээс тус төвийнхөн "Өдрийн мэс ажилбарын хэсэг"-ийг байгуулан тохижуулж, тусламж үйлчилгээгээ хүргэж эхэллээ. Мөн энэ сарын 18-наас эхлэн өдрийн мэс ажилбарууд эрүүл мэндийн даатгалд хамрагдсан тул иргэд /хортой ба хоргүй хавдар ялгаагүй/ үнэ төлбөргүйгээр тусламж үйлчилгээг авах боломж бүрдлээ гэж ХСҮТ-өөс мэдээллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.