Холимог тулааны UFC холбоонд өрсөлдөж буй анхны төдийгүй цорын ганц тулаанч Данаагийн Батгэрэлийн ээлжит тулаанаа энэ сарын 24-нд хийнэ. Түүний өрсөлдөгч нь АНУ-ын тамирчин Кевин Нативидад.
Сүхбаатар аймгийн Эрдэнэцагаан сумын харьяат, UFC холбоо, “Team Tungaa” “One team” клубийн тамирчин, Гавьяат тамирчин Ж.Нарантунгалаг, дасгалжуулагч Ш.Ганбаатарын шавь Д.Батгэрэл 2019 оны есдүгээр сард UFC холбооны анхны тулааны Өвөр Монгол тулаанч, найз Алтанхилтэйгээ хийн, 29:27-гоор дийлдсэн.
UFC холбооноос эл тулааныг “Үдшийн шилдэг тулаан”-аар тодруулж, хоёр тамирчныг тус бүрт нь 50 000 ам доллароор шагнасан юм.
Д.Батгэрэл дараагийн тулаанаа өнгөрсөн жил Аргентины тулаанч Гуйда Ганнеттитэй хийн, хүнд цохилтоор ялсан. Ингэснээр UFC холбоонд ялалт байгуулсан Монголын анхны тамирчин болсон билээ.
Д.Батгэрэлийн тухай нийтлэлийг ЭНД /https://eguur.mn/78113/ дарж уншина уу.
Мэргэжлийн холимог тулааны оргил UFC холбооны UFC-261 өдөрлөг маргааш /2021.04.24/ зохион байгуулагдана. Энэхүү өдөрлөгийн хүрээнд Монгол Улсын тулаанч Д.Батгэрэл АНУ-ын 27 настай тулаанч Кевин Нативидадын эсрэг тулалдах юм.
UFC-261 өдөрлөгийн хүрээнд аваргын бүсний гурван тулаан явагдана.
О.ЭНЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.