СҮХБААТАР ДҮҮРГИЙН 28-10-2 дугаар хэсгийн хороо: 7.1 хувийн ирцтэй байна
2021 оны Ерөнхийлөгчийн сонгуулийн санал хураалт 07:00 цагаас эхэлсэн. Энэ удаагийн сонгуульд МАН-аас У.Хүрэлсүх, АН-аас С.Эрдэнэ, ХҮН-аас Д.Энхбат нар нэр дэвшсэн. Бид Ерөнхийлөгчийн сонгуулийн явцын талаар Сүхбаатар дүүргийн 28-10-2 дугаар хэсгийн хорооноос шууд дамжууллаа.
Энэ үеэр хэсгийн хорооны гишүүн Н.Бумцэндээс дараах тодруулга мэдээллийг авсан юм.
-Уг хэсгийн хороонд сонгууль өгөх насны хэчнээн иргэн байдаг вэ. Одоогийн байдлаар хэдэн хувийн ирцтэй байна вэ?
-Сонгогчдын нэрийн жагсаалтад 2318 иргэн байгаа. Одоогийн байдлаар /09:00/ 7.1 хувийн ирцтэй байна. Ирцийг тоймлоод харвал 30-аас дээш насны иргэд сонгуульдаа идэвхтэй оролцож байна.
-Зөөврийн хайрцгаар санал өгсөн иргэдийн саналын хуудсыг өнөө өглөө санал тоолох руу уншуулсан байх. Уг хэсгийн хорооны машинд хэдэн иргэний саналыг уншуулсан бэ?
-Өглөө төөрхөмжнөөс тайлан гаргаж, дараа нь зөөврийн хайрцгаар авсан саналуудыг уншуулсан. Манай хэсгийн хорооны тухайд 15 сонгогчийн саналыг уншуулсан.
-Энд нийт хэчнээн ажиглагч байгаа вэ?
-Ерөнхийдөө 2 нам, нэг эвслээс 8 ажиглагчид үнэмлэх олгосон. Тус бүрдээ нэг нэгээрээ ээлжлээд сууж байгаа.
-Сонгууль өгөхөөр ирж байгаа иргэд юун дээр анхаарах ёстой вэ?
-Иргэд хаалган дээр халуунаа үзүүлээд халдвар хамгааллын дэглэмээ баримтлан хүн хоорондын зайгаа бариад саналаа агаад гарна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.