2021 оны Жүдо бөхийн насанд хүрэгчдийн ДАШТ Унгарын нийслэл Будапешт хотод дөрөв дэх өдрөө үргэлжилж байна. Өнөөдөр эрэгтэйчүүдийн 81 кг, эмэгтэйчүүдийн 63 кг-ийн барилдаанууд болж байгаа юм.
Манай улсаас эрэгтэйчүүдийн 81 кг-д ДАШТ-ий алт, хүрэл медальт Саид Моллаи B хэсгийг толгойлон барилдаж байна. Эрэгтэйчүүдийн 81 кг-д В хэсгийг толгойлсон Саид Моллаи эхний тойрогт хийлж, хоёр дахь тойрогт Египетийн Абделрахман Мохамедтай барилдаж цэвэр ялсан.
Улмаар гуравдугаар тойрогт Израйлын бөхийг цэвэр ялж, шөвгийн 16-д Гүрж гаралтай Австрын бөхийг мөн л ялж, шөвгийн наймд үлдээд байв.
Гэвч шөвгийн наймд Узбекистаны бөхөд цэвэр ялагдсанаар торгуулийн тойрогт дагах барилдаан хийхээр боллоо. Торгуулийн тойрогт тэрбээр Японы бөх Фуживара Сотаротай барилдана.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.