Өвөрхангай аймгийн хэмжээнд мал хулгайлах гэмт хэрэг энэ оны арваннэгдүгээр сарын байдлаар 26 бүртгэгдэж, өмнөх оны мөн үеэс 46.3 хувиар буурсан эерэг үзүүлэлт гарсан хэдий ч иргэдийн идэш хоолоо бэлтгэх үеэр энэ төрлийн гэмт хэрэг, зөрчлийн гаралт нэмэгдэх хандлагатай байдаг.
Үүнтэй холбоотойгоор улсын хэмжээнд мал хулгайлах гэмт хэрэгтэй тэмцэх, илрүүлэх, урьдчилан сэргийлэх зорилгоор " Мал мах-2021” нэгдсэн арга хэмжээ энэ оны арваннэгдүгээр сараас эхлэн зохион байгуулагдаж, аймгийн хэмжээнд хяналтын 5 пост, хөдөлгөөнт 8 эргүүлд гэмт хэргийг шуурхай илрүүлэх, таслан зогсоох, урьдчилан сэргийлэх чиглэлээр алба хаагчид ажиллаж байна.
Энэхүү хяналт шалгалтын хүрээнд өнөөдөр /2021.12.07/ бусдын 11 тооны малыг хулгайлан тээвэрлэж явсан иргэний үйлдлийг шуурхай илрүүлж, махлыг эзэнд нь хүлээлгэн өгчээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.