УЛС ТӨР

Ажлын хариуцлага алдсан үндэслэлээр Б.Цэцэгсайханыг чөлөөлжээ

Засгийн газрын хэрэгжүүлэгч агентлаг Эрүүл мэндийн яамны харьяа Эм, эмнэлгийн хэрэгслийн хяналт зохицуулалтын газрын дарга Б.Цэцэгсайханыг цар тахлын үед ажлын хариуцлага алдсан гэх үндэслэлээр чөлөөлжээ. Тус агентлаг нь 2021 оны нэгдүгээр сард байгуулагдан, үйл ажиллагаагаа эхлүүлсэн юм.

Ажлаас чөлөөлөгдсөн талаараа Б.Цэцэгсайхан “Нэг жилийн өмнө энэ өдөр нэгдүгээр сарын 20-нд шинэ агентлагийн даргаар томилогдон. Ганц хуудас тогтоолтойгоор ажлаа эхлүүлсэн үеийг бодоход нэг жилийн хугацаанд байрандаа тохижиж, 132 албан хаагчтай, 21 аймагт байцаагчтай, эмийн чанарын лабораторитой, үндэсний хэмжээний том байгууллага болжээ. Шинэ байгууллагын суурийг зөв тавихыг хичээн, зөвд зөөлөн, бурууд хатуу байж, төрийн хуулийг дээдлэн ажилласан. Манай байгууллага үр дүнгийн үнэлгээгээр А, санхүүгийн үнэлгээгээр А, Авлигатай тэмцэх газрын шударга байдлын үнэлгээгээр 70 байгууллагаас зургадугаарт эрэмбэлэгдсэн. Ковидын цар тахлын үед хичээж ажилласан ч хил хаагдсантай холбоотой эм, эмнэлгийн хэрэгслийн татан авалтаа хийж чадаагүй гэж хариуцлага тооцсон гэж ойлголоо. Хангалттай ажиллаж чадаагүй бол бүгдээс нь уучлал хүсье” гэж өөрийн цахим хуудаснаа бичжээ.

Энэ мэдээнд өгөх таны үнэлгээ
Like
Love
Haha
Wow
Sad
Angry

П. Урнаа

Утга зохиол судлаач, сэтгүүлч мэргэжилтэй. Сэтгүүл зүйн салбарт зургаан жил ажиллаж байна. Улс төрийн сэдвээс гадна шүлэг бичдэг. “Зүрхний хэлээр” яруу найргийн түүвэр хэвлүүлсэн. Eguur.mn сайтын улс төрийн албаны модератор, редактораар ажиллаж байна.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-01-21 05:12

Юун А үнэлгээ. Хүмүүсийн эм тас##чихаад. Ноднин бол шинээр эхэлж байсан тул тас##б## ойлгоно. Одоо бол шинэ байгууллага биш тул зохицуулах эмийн хангамжаа тас##дуулахгүй зохион байгуулах бүрэн боломжтой.

Холбоотой мэдээ

Back to top button