Төрийн ордонд Хөгжлийн банкны удирдлагууд цаг үеийн асуудлаар өнөөдөр /2022.02.25/ мэдээлэл хийж байна.
Энэ үеэр Хөгжлийн Банкны гүйцэтгэх захирал Н.Мандуул: "Хөгжлийн банкны зүгээс нэгдүгээр сарын 20-ны өдөр зээлдэгчтэй холбоотой мэдээлэл хүргэсэн. Үүнээс хойш удааширсан зээлүүдийн төлөлт дээр дэвшилт гарч байна. Өчигдрийн байдлаар нийтдээ 50 орчим тэрбум төгрөгийн зээлийн эргэн төлөлт хийгдээд байна. Гэхдээ хангалттай биш байна. Одоо ойрын нэг сарын хугацаанд нэмж 60 орчим тэрбумын зээл төлөх төлөвтэй байна. Энэ ажил одоо 75 орчим хувийн гүйцэтгэлтэй явж байна. Мөн түүнчлэн УИХ-аас ажлын хэсэг байгуулагдсан. Ажлын хэсэгт тайлбар мэдээллийг өгч байна. Нөгөө талаас АТГ болон Эрүүгийн цагдаагийн газартай хамтран тодорхой мэдээллийг өгч ажиллаж байгаа" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.