Сүхбаатар аймагт "Эрэгтэйчүүдийн эрүүл мэндийн төлөө" аян нээлтээ хийжээ. Энэ талаар тус аймгаас сонгогдон парламентад сууж буй Ж.Батсуурь гишүүн мэдээлсэн байна.
Сүхбаатар аймгийн хүн амын дундаж наслалт 73.29. Эмэгтэйчүүдийн дундаж наслалт 78. Эрэгтэйчүүдийнх 68 байгаа буюу хүйсийн наслалтын зөрүү 10+ байгаа нь онцгой анхаарвал зохих нэн тэргүүний асуудлын нэг болоод байгаа аж.
Тэрбээр, Эрэгтэй, эмэгтэй хүмүүсийн дундаж наслалтын зөрүүтэй байдалд эрэгтэйчүүдийн эрүүл мэндээ хамгаалах, урьдчилан сэргийлэх мэдлэг, хандлага, дадал дутмаг байгаа нь нөлөөлж буйг судалгаанаас харж болно. Энэ хүрээнд дундаж наслалтын зөрүүг багасгах, нийт иргэдийнхээ эрүүл мэнд, амьдралын чанарыг дээшлүүлэх үе шаттай олон ажил төлөвлөн хэрэгжүүлж байгаагийн нэг нь энэхүү "Эрэгтэйчүүдийн эрүүл мэндийн төлөө хамтдаа" аян болж байна хэмээжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.