Ардчилсан намын даргын сунгаа ирэх дөрөвдүгээр сарын 6-нд товлогдоод буй. Тиймээс тус намын Сонгуулийн хороо 2022 гуравдугаар сарын 10-наас эхлэн намын даргад нэр дэвшигчдээ бүртгэж эхэлсэн.
Улмаар тус намын даргад УИХ-ын гишүүн Н.Батсуурь болон Монгол Улсын Ерөнхийлөгч асан Х.Баттулга нар өрсөлдөхөөр нэрээ бүртгүүлж, дэнчингийн 500 сая төгрөгөө байршуулаад байгаа юм.
Тэгвэл тэдэнд өнөөдөр /2022.03.16/ Дотоод сонгуулийн хорооноос нэр дэвших батламж гардуулан өглөө. Батламжаа гардсаны дараа тэд Чингисийн хөшөөнд хүндэтгэл үзүүлж, Хэнтий аймгаас эхэлж аян замд гарахаа мэдэгдлээ. Тэд 21 аймгаас тойрч, Ардчилсан намын гишүүд дэмжигчидтэйгээ уулзах уулзалтаа ийнхүү эхэлж байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.