Тодруулга: Толгойдоо хүнд гэмтэл авсан цэргийн бие сайжирч байна
Наймдугаар сарын 8-ны өдөр цэргийн алба хаагч модонд цохиулж, тархиндаа хүнд гэмтэл авснаар нисдэг тэргээр ГССҮТ-д хүргэгдэн ирсэн билээ.
Эргэн сануулахад ХХЕГ-аас дараах мэдээллийг өгөөд байсан юм.
"Завхан аймгийн Тэс суман дахь хилийн цэргийн 0277 дугаар ангид 2022 оны I ээлжээр Увс аймгийн Тариалан сумаас татагдсан 19 настай, байлдагч Б нь наймдугаар сарын 07 –ны өдрийн 12.00 цагийн үед ой модонд түлээний мод бэлтгэж байх үедээ модонд цохиулж, толгойн тус газраа гэмтэл авч ухаангүй байдалтай байна гэсэн мэдээг ХХЕГ хүлээн авсан. Хугацаат цэргийн алба хаагчийн амь нас, эрүүл мэндийг түргэн шуурхай цаг алдалгүй аврах ажиллагааг эхлүүлж, Хил хамгаалах ерөнхий газар болон Төрийн тусгай алба хаагчдын нэгдсэн эмч нарын бүлгийг томилон гэмтсэн байлдагч болон ар гэрийг нь нисдэг тэргээр тээвэрлэн Улаанбаатар хотод татан авчраад байна" гэсэн юм.
Энэ талаар ХХЕГ-аас тодруулахад: "Цэрэг ухаан орсон, биеийн байдал нь хэвийн, шаардлагатай эмчилгээ үйлчилгээг үзүүлж байна. Энэ байдлаараа хэвийн байвал энгийн тасагт шилжүүлнэ" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сайхан мэдэээ байна
Owooo dooo hoorhiii min
Аштай юу дааа
Мориноос унасан байд�##�тай ухаангүй ирсэн гээд байсан цэрэг яасан бол
Хөдөөний хүмүүс мориноосоо унаж л байдагшүүдээ