Өнөөдөр /2020.01.31/ ЗГХЭГ-ын дарга Л.Оюун-Эрдэнэ цаг үеийн асуудлаар мэдээлэл хийлээ.
Тэрээр, “Монгол улсын урт хугацааны хөгжлийн бодлого Алсын хараа-2050”-г УИХ-ын даргад өргөн барилаа. Уул уурхайгаас гадна таван салбарыг тэргүүлэх чиглэлээр тодорхойлсон.Дотоодын нийт бүтээгдэхүүний өсөлтийг 15 мянган ам.долларт хүргэхээр тооцоолсон. Манай улс 2025 оноос хойш ажиллах хүчний дутагдалд орох төлөвтэй. Үүнд зориулсан боловсролын хөтөлбөр боловсруулна.
Мөн, чинээлэг дундаж давхаргыг хүн амын 80 хувьд хүргэнэ. Энэ бүхнийг дагаад төр засгийн бүтэц бүрэлдэхүүн өөрчлөгдөнө гэх мэт 2050 он хүртэл Монгол улсын хөгжих арга, аргачлал, төлөвлөгөөг боловсруулсан. Энэ хөтөлбөрийг УИХ-ын чуулганаас гадна байнгын хороод, холбогдох төрийн болон төрийн бус байгууллагуудаар хэлэлцүүлнэ. Хөгжлийн урт хугацааны бодлогыг 517 баримт бичгийг нэгтгэн боловсруулахад нийт 1500 гаруй эрдэмтэн, судлаачид оролцлоо.
ҮАБЗ-өөр хуралдсан асуудлыг дэлгэрэнгүй мэдээлэх боломжгүй. Би хуралд оролцдоггүй. Нүүрсний тээвэрлэлт, хүнсний барааны тээвэрлэлт хэвээрээ. Харин хилээр иргэдийн зорчих урсгалыг хязгаарлана. Энэ асуудлаар одоо Засгийн газар ээлжит бусаар хуралдах гэж байна. Олон орон халдварын бүсээс иргэдээ татаж байна. Манай улс ч иргэдээ татахаар ажиллаж байна” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.