Булган аймгийн Орхон сумын Бүхт багийн Өндөр хөтөл гэдэг газарт автомашинд хүн хавчуулагдсан тухай дуудлагыг өчигдөр буюу дөрөвдүгээр сарын 07:10 цагт Онцгой байдлын газарт иржээ.
Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид найман км замыг туулан 07:15 цагт очжээ.
Булган сумаас Орхон сумын чиглэлд зорчиж “Приус-20” загварын суудлын автомашин замын хажуу руу онхолдож, 25 настай, эрэгтэй автомашинд хавчуулагдсан байсныг эсэн мэнд гаргаж, эмнэлгийн байгууллагад шилжүүлэн өгсөн байна гэж ОБЕГ-аас мэдээлэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.