Шинэ сэргэлтийн болдлогын хүрээнд УИХ-аас дөрвөн хууль баталсантай холбогдуулан ХЗДХ-ийн сайд Х.Нямбаатар мэдээлэл хийлээ.
Тэрээр, "Өнөөдөр Монгол Улсын Засгийн газраас өргөн мэдүүлсэн цахим шилжилтийг хийхэд шаардлагатай хуулийг эцэслэн баталлаа. УИХ-аас
- Нийтийн мэдээлийн ил тод байдлын тухай хууль,
- Хувь хүний мэдээллийг хамгаалах тухай хууль,
- Цахим гарын үсгийн тухай хууль,
- Кибер аюулгүй байдлын тухай хууль,
- Виртуал хөрөнгийн үйлчилгээ үзүүлэгчийн тухай хуулиудыг эцэслэн баталлаа.
Ингэснээр Монгол Улс цахим үндэстэн болох, цахим шилжилтийг хийх хууль эрх зүйн орчин бүрдлээ. Эдгээр хуулиуд тавдугаар 1-нээс хэрэгжиж эхэлнэ. Таван чиглэлийн 67 багц мэдээллийг нээлттэй мэдээлэл болгож байгаа. Төр нийтийн зарлан мэдээллээ 16 насанд хүрсэн иргэн бүрд и-мэйл хаягаар хүргэнэ. Гадаад паспорт, жолооны үнэмлэхийн хугацаа хэзээ дууссан талаар болон сурагчдын амралт хэзээ эхлэх зэрэг мэдээллийг хүргэх юм” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.