Аргентины шигшээ, “Бенфика” багийн хагас хамгаалагч Энцо Фернандес “Ливерпүүл”-д очиж магадгүй болжээ. Английн баг түүнийг авахын тулд 120 сая евро гаргахад бэлэн байгаагаа мэдэгдсэн талаар “Sports Illustrated” энэ талаар мэдээллээ.
Уг мэдээлэлд өгүүлснээр, 120 сая евро нь Энцогийн “Бенфика”-тай байгуулсан гэрээнд орсон, суллаж явуулахад шаардагдах мөнгөн дүнгийн хэмжээ тул наймаа бүтэмжтэй болох нь бараг л ойлгомжтой гэнэ. Мөн Энцо болон “Ливерпүүл” хоорондын гэрээ байгуулахад ойртсон гэсэн өгүүлбэр ч оруулжээ.
21 настай залуу тоглогчийн төлөө Мадридын “Реал” өрсөлдөж магадгүй гэх мэдээлэл өмнө гарч байсан. Тэрбээр энэ улиралд “Бенфика”-гийн бүрэлдэхүүнд 13 тоглож, нэг гоол оруулан, гурван удаа гоолын дамжуулалт өгчээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.